შესვლა |
|
|
English Georgian |
დასაწყისიკატეგორიები |
ძიება საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ. ლექსიკონის მხარდამჭერია საქართველოს პარლამენტის ეროვნული ბიბლიოთეკა. პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო. |
დავით თავხელიძე
ბიოგრაფიადაბადების ადგილი: ქ. თბილისი. დაამთავრა საქართველოს პოლიტექნიკური ინსტიტუტის მექანიკა-მანქანათმშენებლობის ფაკულტეტი 1967 წელს. 1968-1971წწ. მანქანათმცოდნეობის სამეცნიერო-კვლევითი ინსტიტუტის(მოსკოვი) ასპირანტი, ტექნიკურ მეცნიერებათა კანდიდატი; 1971-1987წწ. საქართველოს პოლიტექნიკური ინსტიტუტის მანქანათა ნაწილების კათედრის დოცენტი; 1975-1976წწ. სტენფორდის უნივერსიტეტის(აშშ) მეცნიერ-სტაჟიორი; 1986 წელს მიენიჭა ტექნიკურ მეცნიერებათა დოქტორის ხარისხი; 1987-2008წწ. საქართველოს ტექნიკური უნივერსიტეტის მექნიზმებისა და მანქანების თეორიის კათედრის პროფესორი; 2008 წლიდან დღემდე საქართველოს ტექნიკური უნივერსიტეტის სატრანსპორტო და მანქანათმშენებლობის ფაკულტეტის საწარმოო ტექნოლოგიური მანქანებისა და მექატრონიკის დეპარტამენტის პროფესორი. გამოქვეყნებული აქვს 114 ნაბეჭდი სამეცნიერო ნაშრომი, მათ შორის 23 საავტორო მოწმობა და პატენტი, 7 მონოგრაფია და 6 სახელმძღვანელო. 1998 წლიდან დღემდე ინტენსიურად მუშაობს ევროკომისიის მიერ დაფინანსებული პროექტების შესრულებაზე. ეს პროექტებია: BENE-BUS, ENERGIA, AFORO, LIRIC, FERBEV, EQUASER, ENGITEC და SUAFRI-EPC. სადოქტორო დისერტაციის თემა - "კინემატიკური ჯაჭვების დინამიკური ანალიზი და სინთეზი რგოლების დრეკადობის გათვალისწინებით", დაიცვა 1986 წელს. წყარო: საქართველოს ტექნიკური უნივერსიტეტი: gtu.ge; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.126 ორგანიზაციის, ასოციაციის ან ჯგუფის წევრი
ჯილდოები, პრემიები და პრიზები
ბიბლიოგრაფია
|
Biographical Dictionary. version 1.2.2.R1 Copyright © 2010-2012 by David A. Mchedlishvili |