აკაკი ხინთიბიძე

დაბადების ადგილი: ოზურგეთის რაიონი.

დაამთავრა თბილისის სახელმწიფო უნივერსიტეტი 1946 წელს.

60 წლის განმავლობაში მოღვაწეობდა შოთა რუსთაველის ქართული ლიტერატურის ინსტიტუტსა და ივანე ჯავახიშვილის თბილისის სახელმწიფო უნივერსიტეტში; ა. ხინთიბიძემ ქართული ლექსის მეცნიერული კვლევა იოსებ გრიშაშვილის ვერსიფიკაციის შესწავლით დაიწყო, რაც 1955 წელს აღინიშნა თვალსაჩინო მონოგრაფიით "იოსებ გრიშაშვილის პოეზია"; შემდგომი ეტაპი სამეცნიერო კვლევისა იყო "აკაკის ლექსი" (1972); განსაკუთრებული ადგილი ა. ხინთიბიძის სამეცნიერო ბიოგრაფიაში უჭირავს გალაკტიონის კვლევას; 1987 წელს დასტამბული მისი "გალაკტიონის პოეტიკა" შეიცავს, ერთი მხრივ, ნარკვევებს გალაკტიონის პოეტიკიდან, ხოლო მეორე მხრივ, მასში დაწვრილებით არის შესწავლილი გალაკტიონის ლექსის სტრუქტურა (პოეტური ენა, მეტრიკა, რითმა, ევფონია, სტროფიკა). ქართული ლექსის ბუნების კვლევას სამ ათეულ წელზე მეტი შეალია. ა. ხინთიბიძის წიგნებში: "პოეტური ხელოვნების საკითხები" (1961), "ლექსმცოდნეობის საკითხები" (1965), "პოეტიკური ძიებანი" (1981), "ვერსიფიკაციული ნარკვევები" (2000), განხილულია ვერსიფიკაციის თეორიისა და ქართველ პოეტთა შემოქმედების უაღრესად საინტერესო პრობლემები. აღსანიშნავია ა. ხინთიბიძის წვლილი "ვეფხისტყაოსნის" ლექსწყობის კვლევაში. ფილოლოგიის მეცნიერებათა დოქტორი, პროფესორი.

წყარო: აკაკი ხინთიბიძე : ქართული ლექსის ჭაშნაგირი : გამოსათხოვარი // საქართველოს რესპუბლიკა . - თბ., 2008. - 30 მაისი. - N98 (5956). - 15გვ.

• გალაკტიონი თუ ცისფერყანწელები : ქართული ლექსის უახლესი რეფორმა (ავტორი). - თბილისი, გულანი, 1992. - 192გვ.
• ცენზურა ქართულ ლექსში და გურამიშვილის ვერსიფიკაცია (ავტორი). - თბილისი, მეცნიერება, 1990. - 102გვ.
• გალაკტიონის პოეტიკა (ავტორი). - თბილისი, თბილ. უნ-ტის გამ-ბა, 1987. - 279გვ.
• იაკობ შემოქმედელი : XVII ს. მწერალი და სასულიერო მოღვაწე (ავტორი). - თბილისი, საბჭ. საქართველო, 1986. - 46გვ.
• ქართული ლექსის ბუნებისათვის (ავტორი). - თბილისი, თბილ. უნ-ტის გამ-ბა, 1976. - 70გვ.
• აკაკის ლექსი : მონოგრაფია (ავტორი). - თბილისი, საბჭ. საქართველო, 1972. - 285გვ.