The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ქართველი ავტორები
დასაწყისიკატეგორიები  
ძიება
პიროვნების სახელი:

ეს უნიკალური ცნობარი მოიცავს საქართველოში მოღვაწე და უცხოეთში მცხოვრები ქართველი ავტორების ბიოგრაფიულ მონაცემებს.



გურამ ბათიაშვილი

გურამ ბათიაშვილი
დაბადების თარიღი:25 მარტი, 1938  (76 წლის)
კატეგორია:დრამატურგი, მწერალი

ბიოგრაფია

დაბადების ადგილი: სამტრედიის რაიონი, სოფელი კულაში.

დაამთავრა თბილისის სახელმწიფო უნივერსიტეტის აღმოსავლეთმცოდნეობის ფაკულტეტის თურქული ენისა და ლიტერატურის სპეციალობით 1962 წელს.

მთარგმნელი, ჟურნალ "თეატრი და ცხოვრების" მთავარი რედაქტორი, ებრაული გაზეთის "მენორა" გამომცემელი და რედაქტორი.

1965-1967 წლებში მუშაობდა გაზეთ "ლიტერატურული საქართველოს" ლიტმუშაკად, 1967-1971 წლებში საქართველოს თეატრალური საზოგადოების სარედაქციო-საგამომცემლო განყოფილების რედაქტორად, 1971-1983 წლებში ჟურნალ "თეატრალური მოამბის" პასუხისმგებელ მდივნად, 1983 წლიდან დღემდე ჟურნალ "თეატრი და ცხოვრება" მთავარ რედაქტორად, 1993 წლიდან გამოსცემს ებრაული თემატიკის გაზეთს ქართულ ენაზე "მენორა", 1990 წლიდან მსოფლიო ებრაული კონგრესის (ნიუ-იორკი) გამგეობის წევრი, საქართველოს მწერალთა, თეატრის მოღვაწეთა კავშირების გამგეობის წევრი. მის შემოქმედებაში გარკვეული ადგილი უჭირავს საქართველოს ებრაელთა 26 საუკუნოვან ყოფას. სურს მკითხველს კვლავაც უამბოს ებრაელთა ცხოვრებაზე საქართველოში, საქართველოს ისტორიის მნიშვნელოვან ეტაპებზე, ამას გარდა თარგმნილი აქვს მიხ. შოლოხოვის, ვ. როზოვის, ა. აბდულინის, ალექსეი არგუნის (აფხაზი დრამატურგის) პიესები. არის საქართველოს ხელოვნების დამსახურებული მოღვაწე (1987წ.). ისრაელის პრეზიდენტის "თეუდათ ო კარა" ღირსების რწმუნების მფლობელი.

ჯილდოები, პრემიები და პრიზები

  • 1998 - საქართველოს სახელმწიფო პრემია, ლიტერატურის დარგში
  • 1998 - ღირსების ორდენი
  • 1991 - საქართველოს მინისტრთა საბჭოს პრემია, პუბლიცისტიკის დარგში

ბიბლიოგრაფია


გააზიარე: