ლევან ურუშაძე

დაბადების ადგილი: ქ. თბილისი.

დაამთავრა თბილისის ივანე  ჯავახიშვილის სახელობის სახელმწიფო უნივერსიტეტის აღმოსავლეთმცოდნეობის ფაკულტეტი 1986 წელს.

1986-1989 წლებში საქართველოს მეცნიერებათა აკადემიის ივ. ჯავახიშვილის სახელობის ისტორიისა და ეთნოლოგიის ინსტიტუტის წყაროთმცოდნეობის განყოფილების ასპირანტი; 1989-1995 წლებში ამავე განყოფილების მეცნიერ თანამშრომელი; 1991-1995 წლებში გაზეთის "თავისუფალი საქართველო" კორესპონდენტი; 1991 წელს რადიო "თავისუფალი საქართველო"-ს პოლიტიკური მიმომხილველი; 1992-1993 წლებში გაზეთის "საქართველოს სამრეკლო" პ/მგ. მდივანი; 1992-1993 წლებში არალეგალური გამოცემის "ქართული აზრი" ერთ-ერთი გამომცემელი; 1995 წლიდან დამოუკიდებელი საინფორმაციო-ანალიტიკური ბიულეტენის "ადამიანის უფლებები" რედაქტორ-გამომცემელი. 2008 წლიდან მუშაობს საქართველოს ოკუპაციის მუზეუმის დირექტორად. არის 60-ზე მეტი სამეცნიერო შრომის, მათ შორის 2 მონოგრაფიის ავტორი. გამოქვეყნებული აქვს 150-ზე მეტი საგაზეთო წერილი.

ისტორიის მეცნიერებათა დოქტორი.

• ადამიანის უფლებათა საერთაშორისო საზოგადოება, საქართველოს ეროვნული სექციის პრეზიდენტი (1997-2000)
• კულტურათაშორის კვლევების საერთაშორისო აკადემია (აშშ), აკადემიკოსი
• მეცნიერებისა და ტექნოლოგიების ევროასოციაცია, საქართველოს ეროვნული სექციის აღმასრულებელი მდივანი (1998-)
• ნიდერლანდების ზვიად გამსახურდიას საზოგადოება, საპატიო წევრი
• ნიუ-იორკის მეცნიერებათა აკადემიის, წევრი
• საერთაშორისო ასოციაციის "კავკასია: ეთნიკური ურთიერთობები, ადამიანის უფლებები, გეოპოლიტიკა", თავმჯდომარე (1998-)
• ჩეჩნეთის ადამიანის უფლებათა ცენტრი, კოორდინატორი საქართველოში

• საქართველოს ისტორიის საკითხები XX საუკუნის თურქულ ისტორიოგრაფიაში : წყაროთმცოდნ. ასპექტები (ავტორი). - თბილისი, მეცნიერება, 1994. - 215გვ.. - ISBN: 5-520-01317-9
• ბოლშევიზმ-მენშევიზმი და საქართველოს დემოკრატიული რესპუბლიკა (1918-1921) (ავტორი). - თბილისი, განათლება, 1991. - 51გვ.