The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუკის გვერდზე



მუხრან მაჭავარიანი

მუხრან მაჭავარიანი
დაბადების თარიღი:12 აპრილი, 1929
გარდაცვ. თარიღი:17 მაისი, 2010  (81 წლის ასაკში)
დაკრძალვის ადგილი:მთაწმინდის პანთეონი, თბილისი
კატეგორია:პოეტი

ბიოგრაფია

დაბადების ადგილი: სოფელი არაგვეთი, საჩხერის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1952 წელს.

1957–1963წწ. მუშაობდა ჟურნალ "ცისკრის" პოეზიის განყოფილების გამგედ; 1963–1964წწ. ჟურნალ "პიონერის" მთავარ რედაქტორად; 1967–1982წწ. ჟურნალ "დილის" მთავარ რედაქტორად; 1982–1988წწ. ალმანახ "საუნჯის" მთავარ რედაქტორად. პირველი ლექსები 1952 წელს გამოაქვეყნა უნივერსიტეტის ლიტერატურული წრის ყოველწლიურ ალმანახ "პირველ სხივში", პირველი წიგნი "ლექსები" - 1955 წელს. 1958 წელს გამოვიდა პოეტის 2 კრებული - "წითელი მზე და მწვანე ბალახი" და "სიჩუმე უშენოდ", რომელიც რუსულად თარგმნა ევგენი ევტუშენკომ. მუხრან მაჭავარიანის მთელი შემოქმედება სამშობლოს სიყვარულითაა შთაგონებული. მისი პოეზიის ესთეტიკას განსაზღვრავს მისი მოქალაქეობრივი კრედო, შეურიგებლობა და წინააღმდეგობაში ყოფნა არსებულ რეალობასთან. მისი ლექსები თარგმნილია რუსულ, უკრაინულ, სომხურ, ჩეხურ, პოლონურ, ბულგარულ, გერმანულ, ინგლისურ ენებზე. 

წყარო: http://science.org.ge/

ორგანიზაციის, ასოციაციის ან ჯგუფის წევრი

  • საქართველოს მეცნიერებათა ეროვნული აკადემია, აკადემიკოსი (2009-)
  • საქართველოს მწერალთა კავშირი, წევრი (1954-1992)
  • საქართველოს მწერალთა კავშირი, თავმჯდომარე (1988-1992)
  • საქართველოს პარლამენტი, წევრი (1999-2003)
  • საქართველოს უზენაესი საბჭო, წევრი (1989-1991)

ჯილდოები, პრემიები და პრიზები

  • 1989 - კირილესა და მეთოდეს ორდენი (ბულგარეთის სახელმწიფო ჯილდო)
  • 1987 - შოთა რუსთაველის სახელობის სახელმწიფო პრემია
  • 1979 - წითელი დროშის ორდენი
  • 1966 - საპატიო ნიშნის ორდენი
  • 1958 - ახალგაზრდობისა და სტუდენტთა VII მსოფლიო ფესტივალი (მოსკოვი), ლაურეატი

ბიბლიოგრაფია


გააზიარე: