The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუქის გვერდზე



ბაჩანა ბრეგვაძე

ბაჩანა ბრეგვაძე
დაბადების თარიღი:11 თებერვალი, 1936
გარდაცვ. თარიღი:14 თებერვალი, 2016  (80 წლის ასაკში)
დაკრძალვის ადგილი:მთაწმინდის პანთეონი, თბილისი
კატეგორია:მთარგმნელი, მწერალი, ფილოსოფოსი

ბიოგრაფია

დაბადების ადგილი: ქ. ამბროლაური.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1960 წელს.

1961-66წწ. მუშაობდა კლასიკური ფილოლოგიის კათედრაზე ლაბორანტად; 1966-72წწ. ქართულ ენციკლოპედიაში უფროს მეცნიერ - რედაქტორად; 1973-1994წწ. საქართველოს მწერალთა კავშირთან არსებული მხატვრული თარგმანისა და ლიტერატურულ ურთიერთობათა მთავარი სარედაქციო კოლეგიის მხატვრული თარგმანისა და "რუსთაველის ბიბლიოთეკის" რედაქციის გამგე; 1994-1997წწ. არის საგამომცემლო ცენტრ "ხომლის" ქვესაწარმო "მთარგმნელის" სამხატვრო საბჭოს წევრი, 1997-2000წწ. ამავე საბჭოს თავმჯდომარე; 1999 წლიდან ფილოსოფიის ინსტიტუტის მთავარი მეცნიერ თანამშრომელი;  2001-2006წწ. აღმოსავლეთმცოდნეობის ინსტიტუტის ბიზანტინოლოგიის განყოფილების წამყვანი მეცნიერ თანამშრომელი. ავტორია წიგნებისა: "ანტიკური ცივილიზაციის გვირგვინი", "ბლეზ პასკალი", "მარკუს ავრელიუსი", "მიქელანჯელოს პოეზია", "სოკრატე", "ფსევდო- ლონგინე", "არისტოტელეს პოეტიკა", "ნიკოლო მაკიაველი". "დანტეს ახალი ცხოვრება" (თ. ჩხენკელთან ერთად). მისი მთავარი თარგმნებია: "ახალი აღთქმა", ბ. პასკალის "აზრები", მ. ავრელიუსის "ფიქრები", სერვანტესიის "დონ - კიხოტი", ჰ. იბსენის "დრამები", პ. ვალერის "სულის კრიზისი", ნ. მაკიაველის "მთავარი", ა. შტეკელის "შუა საუკუნეების ფილოსოფიის ისტორია", ნეტარი ავგუსტინის "აღსარებანი", "იტალიური ზღაპრები", ევრიპიდეს "მედეა", ლ. პირანდელოს "ჰენრიხ IV", ა. ბერგსონის "ცნობიერების უშუალო მონაცემები", ს. ვივეკანანდას "ჯნანა იოგა", ა. ეგზიუპერის "პატარა უფლისწული", ჯ. ლეოპარდის "დიალოგები", პლატონის "ადრეული დიალოგები", "ფედონი", "ნადიმი", "იონი", "დიდი პიპია", "მენონი", წმინდა ოთხთავი - "ოთხი სახარება" (მინიატურული გამოცემა), შ. დელის "ბიზანტიის იმპერიის ისტორია", ა. შოპენჰაუერის "ცხოვრებისეული სიბრძნის აფორიზმები", ორტეგა ი გასეტის "მასების ამბოხი", "ხელოვნების დეჰუმანიზაცია" და სხვა. ფილოსოფიის მეცნიერებათა დოქტორი.

საკანდიდატო დისერტაციის თემა - "ბლეზ პასკალი", დაიცვა 1994 წელს.

სადოქტორო დისერტაციის თემა - "პლატონის ნატურფილოსოფია", დაიცვა 1996 წელს.

წყარო: საქართველო: ენციკლოპედია: ტ.I.–თბ., 1997. გვ.479

ორგანიზაციის, ასოციაციის ან ჯგუფის წევრი

  • მწერალთა კავშირთან არსებული მთარგმნელობითი კოლეგია, დამფუძნებელი და ხელმძღვანელი
  • საქართველოს მეცნიერებათა ეროვნული აკადემია, აკადემიკოსი (2013-2016)
  • საქართველოს მწერალთა კავშირი, წევრი (1973-2016)

ჯილდოები, პრემიები და პრიზები

  • 2014 - თბილისის საპატიო მოქალაქე
  • 2007 - ლიტერატურული პრემია "საბა"
  • 2005 - ღირსების ორდენი
  • 2004 - ლიტერატურული პრემია "საბა"
  • 1995 - ღირსების ორდენი
  • საქართველოს მართლმადიდებელი ეკლესიის უმაღლესი ჯილდო წმინდა გიორგის ოქროს ორდენი, დიდი წვლილისა და მაღალი სულიერი და ზნეობრივი ღირებულებების დამკვიდრებისათვის
  • ივანე ჯავახიშვილის სახელობის პრემია
  • ივანე მაჩაბლის სახელობის პრემია
  • ილია ჭავჭავაძის სახელობის პრემია
  • ექვთიმე თაყაიშვილის სახელობის პრემია
  • დავით აღმაშენებლის სახელობის პრემია

ბიბლიოგრაფია


გააზიარე: