გივი გეგეჭკორი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის ჟურნალისტიკის განყოფილება 1956 წელს.

პირველი ლექსები გამოაქვეყნა ალმანახ "პირველ სხივში" 1951 წელს; ლექსების პირველი კრებული "მზიანი დღე" გამოაქვეყნა 1963წელს; 1958-1977წწ. იყო ჟურნალ "ცისკრის" ლიტ-მუშაკი, პოეზიის და პროზის განყოფილების გამგე; საქართველოს მწერალთა კავშირის ლიტკონსულტანტი (1977). ავტორია ლექსთა კრებულებისა: "ახალი აბზაცი, ჩემი დღესასწაულები", "ჩიტების გამოღვიძება", "მეორე მდინარე", "მსახური", "ასკილის ფურცლები", "მუჭანახევარი", "სიზმრის წიგნი", "საუკუნე თავდება"; ცალკე წიგნებად აქვს გამოცემული საბავშვო ლექსები, ლიტერატურული წერილები, თარგმანები. თარგმნა ჰერმან მელვილის "მობი დიკი" (ტარიელ ჭანტურიასთან ერთად); ფრანგი პოეტების ლექსები, ალენ ფურნიეს "დიდი მოლნი", ჟიულ რენარის "წითური", პიერ კორნელის "სიდი", ჟან ბატისტ მოლიერის "ტარტიუფი".

წყარო: ქართული საბჭოთა ენციკლოპედია: ტ.3.-თბ., 1978. -გვ.30; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.41; გივი გეგეჭკორი (1933-2000) / ქართველ მწერალთა ბიოგრაფიები / შემდგ.-რედ. ჯულიეტა ხურცილავა ; წინათქმა აკაკი ბაქრაძე.-თბ.,2015.-გვ.393-394

• საქართველოს მწერალთა კავშირი, წევრი (1963-2000)

• 1998 - შოთა რუსთაველის სახელობის სახელმწიფო პრემია
• 1997 - ღირსების ორდენი
• 1995 - აკაკი წერეთლის სახელობის პრემია

• იმ დღეებს ძეგლი უნდა აუგო (ავტორი). - თბილისი, 1995
• ლექსები : ლექსები (ავტორი). - თბილისი, საბჭ. საქართველო, 1985. - 143გვ.
• ლექსები, პოემები : ლექსები (ავტორი). - თბილისი, საბჭ. საქართველო, 1983. - 317გვ.
• ასკილის ფურცლები (ავტორი). - თბილისი, მერანი, 1981. - 126გვ.
• ვკეცე, ვკეცე, ვერ დავკეცე : ლექსები (ავტორი). - თბილისი, ნაკადული, 1974. - 53გვ.
• ლხინი იქა, ლხინი აქა (ავტორი). - თბილისი, ნაკადული, 1970. - 31გვ.
• მზიანი დღე : ლექსები (ავტორი). - თბილისი, ლიტერატურა და ხელოვნება, 1968. - 22გვ.
• ადამიანები და თარიღები (ავტორი). - თბილისი, ნაკადული, 1963. - 73გვ.