გურამ დოჩანაშვილი

დაბადების ადგილი: ქ. თბილისი.

დაამთავრა მუსიკალური სასწავლებელი (ვიოლინოს კლასი) 1957 წელს; თბილისის სახელმწიფო უნივერსიტეტის ისტორიის ფაკულტეტი 1962 წელს.

აქტიურად მონაწილეობდა არქეოლოგიურ გათხრებში, უკრავდა უნივერსიტეტის ორკესტრში; 1962-1975წწ. იყო ივანე ჯავახიშვილის სახელობის ისტორიის, არქეოლოგიის და ეთნოგრაფიის ინსტიტუტის არქეოლოგიური განყოფილების უმცროსი მეცნიერ-თანამშრომელი; მონაწილეობდა 30-მდე ქვის ხანის არქეოლოგიურ ექსპედიციაში; 1975-1985წწ. ჟურნალ "მნათობის" პროზის განყოფილების გამგე; მეთაურობდა პროზის სექციას მწერალთა კავშირში; 1985 წლიდან კინოსტუდია "ქართული ფილმის" მთავარი რედაქტორი. მისი პირველი მოთხრობები დაიბეჭდა ჟურნალ "ცისკარში" 1961 წელს; 1966 წელს გამოიცა მისი პირველი წიგნი "მთის გადაღმა". სცენარის ავტორია ფილმების: "გამსვლელი პაიკი" (1970), "ბალადა მომღერალზე" (ანიმაციური, 1987), "ბესამე" (1989), "ჰავაური ვალსი" (1990); გადაღებულია ფილმში: "ახალი წელი" (1982). თანამედროვე ქართველი კლასიკოსი მწერალი.

წყარო: პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.35-36; burusi.wordpress.com; buki.ge; წიგნი ღირსებისა: ტ. 2 / შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.66

• საქართველოს კინემატოგრაფისტთა შემოქმედებითი კავშირი, წევრი
• საქართველოს მწერალთა კავშირი, წევრი

• 2020 - თბილისის საპატიო მოქალაქე
• 2013 - წმინდა გიორგის ოქროს ორდენი (საქართველოს მართლმადიდებელი ეკლესიის უმაღლესი ჯილდო)
  დიდი წვლილისა და მაღალი სულიერი და ზნეობრივი ღირებულებების დამკვიდრებისთვის
• 2010 - ლიტერატურული პრემია "საბა"
  ლიტერატურის განვითარებაში შეტანილი განსაკუთრებული წვლილისთვის
• 2004 - პრემია "საგურამო"
• 1997 - ღირსების ორდენი
• ივანე ჯავახიშვილის სახელობის მედალი
• საქართველოს სახელმწიფო პრემია

• კაცი, რომელსაც ლიტერატურა ძლიერ უყვარდა : ქართული პროზის საგანძური (ავტორი). - თბილისი, პალიტრა L, 2010. - 320გვ.. - ISBN: 978-9941-413-23-0
• არის და იყოც უცნაური, ადამიანიც, წუთისოფელიც (ავტორი). - თბილისი, საარი, 2009. - 410გვ.. - ISBN: 978-99940-60-72-6
• კეჟერაძეები: ოთხი მოთხრობა (ავტორი). - თბილისი, ლაშარელა, 2005. - 197 გვ.. - ISBN: 99940-858-0-8
• ლოდი ნასაყდრალი : რომანი (ავტორი). - თბილისი, მარსი, 2002. - 554გვ.. - ISBN: 99940-724-0-4
• სამოსელი პირველი : რომანი (ავტორი). - თბილისი, საბჭ. საქართველო, 1990. - 720გვ.
• მოთხრობები (ავტორი). - თბილისი, საბჭ. საქართველო, 1987. - 631გვ.
• განსმდგომი შუაკაცი : მოთხრობები (ავტორი). - თბილისი, ნაკადული, 1983. - 237გვ.