ცირა ქიტიაშვილი

დაბადების ადგილი: ქ. თბილისი.

დაამთავრა შოთა რუსთაველის სახ. სახელმწიფო თეატრალური ინსტიტუტის სამსახიობო ფაკულტეტი 1954 წელს. თბილისის ივანე ჯავახიშვილის სახელობის სახელმწიფო უნივერსიტეტის ქართული ენისა და ლიტერატურის ფაკულტეტი 1969 წელს.

1954-1969წწ. მუშაობდა მოზარდმაყურებელთა თეატრის მსახიობად, შემდეგ განათლების სამინისტროსა და მასწავლებელთა დახელოვნების ინსტიტუტის მეთოდისტად, საესტრადო სასწავლებლის პედაგოგად, 1976 წლიდან სახელმწიფო ფილარმონიის დამდგმელი რეჟისორი. მისი ხელმძღვანელობით გაიმართა რეზო ინანიშვილის, ჭაბუა ამირეჯიბის, მურმან ლებანიძის, მარიკა ბარათაშვილის, ნაზი კილასონიას, მორის ფოცხიშვილის, რეზო ინანიშვილის, გურამ ფანჯიკიძის, ჯემალ აჯიაშვილის, მაყვალა მრევლიშვილისა და მერი დავითაშვილის საღამოები; მოწამეთა დღესასწაულები: "გიორგობა", "დავით აღმაშენებელი", "თამარ მეფე". მისი ინიციატივითა და უშუალო ხელმძღვანელობით დაიდგა 9 აპრილის ტრაგედიისადმი მიძღვნილი წარმოდგენები: "ხეზე აკრული ლექსები", "ჩვენ ბრალს ვდებთ". 1956 წლიდან რეგულარულად იბეჭდება მისი საბავშვო ლექსები ჟურნალებში: "დილა", "საქართველოს ქალი", "პიონერი", გაზეთებში: "ნერგი", "ახალგაზრდა ივერიელი", კრებულებში: "აისი", "ია" და სხვა.

ბევრი ლექსი შეტანილია ზოგადსაგანმანათლებლო სკოლების დაწყებითი კლასების სახელმძღვანელოებში. ფირმა მელოდიას მიერ 1991 წელს გამოცემული აქვს ორი ფირფიტა: "დამპრა-დუმპრა" - ავტორის ლექსები და სიმღერები. 

• თეატრალური საზოგადოება, წევრი
• საქართველოს მწერალთა კავშირი, წევრი

• საქართველოს დამსახურებული არტისტი
• შიო მღვიმელის სახელობის პრემია

• ეს სამშობლოა ჩემი და შენი : ლექსების კრებული (ავტორი). - თბილისი, ეროვნული მწერლობა, 2007. - 208გვ.. - ISBN: 99940-0-868-4
• რას ჭიკჭიკებს მერცხალი : საბავშვო ლექსები (ავტორი). - თბილისი, ნაკადული, 1999. - 248გვ.
• წითელქუდა ყაყაჩოები : ლექსები (ავტორი). - თბილისი, ნაკადული, 1989. - 55გვ.
• ლაჟვარდებში მტრედი ცურავს : ლექსები (ავტორი). - თბილისი, ნაკადული, 1987. - 118გვ.
• კაი ყმა ჩემი ძმაც არის : ლექსები უმცროსი სასკოლო ასაკის ბავშვებისათვის (ავტორი). - თბილისი, ნაკადული, 1985. - 43გვ.
• წერილები სიმღერეთიდან : ლექსები უმცროსი სასკოლო ასაკის ბავშვებისათვის (ავტორი). - თბილისი, ნაკადული, 1983. - 111გვ.
• ბიჭობა განა ღონეა! : ლექსები სკოლამდელთათვის (ავტორი). - თბილისი, ნაკადული, 1980. - 42გვ.
• უცნაური თოჯინა : ლექსები სკოლამდელთათვის (ავტორი). - თბილისი, ნაკადული, 1974. - 39გვ.
• ბუდეშურის აკიდო : ლექსები სკოლამდელი და უმცრ. სასკოლო ასაკის ბავშვებისათვის (ავტორი). - თბილისი, ნაკადული, 1970. - 17გვ.