ლევან ბერძენიშვილი

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1977 წელს.

1977-1979წწ. იყო თბილისის სახელმწიფო უნივერსიტეტის "ბერძნულ-ლათინური ბიბლიოთეკის" უფროსი რედაქტორი; 1979-1980წწ. აფხაზეთის უნივერსიტეტის უცხო ენათა კათედრის გამგის მოადგილე; 1980-1993წწ. თბილისის სახელმწიფო უნივერსიტეტის ლექტორი; 1984-1987წწ. პოლიტპატიმარი ანტისაბჭოთა აგიტაციისა და პროპაგანდისთვის (სასჯელი მოიხადა მორდოვეთის ასსრ); 1987-1993წწ. თბილისის სახელმწიფო უნივერსიტეტის ხმელთაშუა ზღვის კულტურების კვლევის ლაბორატორიის თანამშრომელი, ლაბორანტიდან - გამგემდე; 1998-2004წწ. საქართველოს პარლამენტის ეროვნული ბიბლიოთეკის გენერალური დირექტორი. საქართველოს პარლამენტის საგარეო ურთიერთობათა კომიტეტის წევრი, განათლების, მეცნიერების, კულტურისა და სპორტის კომიტეტის თავმჯდომარე (2004); 2011 წლიდან საზოგადოებრივ საქმეთა ინსტიტუტის სრული და კავკასიის უნივერსიტეტის ასოცირებული პროფესორი. არის ავტორი 40 სამეცნიერო ნაშრომისა; ლათინური ენის სახელმძღვანელოს თანაავტორი; თარგმანებისა: არისტოფანეს 11 კომედია და ევრიპიდეს "ელექტრა"; წიგნების: "ინტერნეტი ჟურნალისტებისათვის"; "ადამიანის უფლებები ქართულ კულტურაში" რედაქტორი და ერთ-ერთი ავტორი. 

საკანდიდატო დისერტაციის თემა - "არისტოფანეს ლიტერატურული შეხედულებებისა და მხატვრული პრინციპების ერთიანობის პრობლემა", დაიცვა 1990 წელს.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015.- თბ.-2015.-გვ. 93

• რესპუბლიკური პარტიის ეროვნული კომიტეტი, წევრი
• სამოქალაქო განვითარების საერთაშორისო ცენტრი , თავმჯდომარე (1996-)
• საქართველოს მეექვსე მოწვევის პარლამენტი, წევრი (2004-2008)
• საქართველოს მერვე მოწვევის პარლამენტი, წევრი (2012-2016)
• საქართველოს რესპუბლიკური პარტია, ერთ-ერთი დამფუძნებელი, წევრი (1978-)

• წმინდა წყვდიადი (ავტორი). - თბილისი, ბაკურ სულაკაურის გამომცემლობა, 2010. - 268გვ.. - ISBN: 978-9941-15-221-4
• ადამიანის უფლებები და ქართული კულტურა : კრებული (თანაავტორი). - თბილისი, 2004. - 188გვ.
• ადამიანის უფლებათა სფეროში ძირითადი საერთაშორისო სამართლებრივი აქტების კრებული : 2 ნაწილად (რედაქტორი) // ნაწ. 1. - თბილისი, 2001. - 375გვ.. - ISBN: 978-99940-68-18-0