ლევან ბერძენიშვილი

დაბადების ადგილი: ქ. ბათუმი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1977 წელს.

1978-95 წლებში მუშაობდა თბილისის სახელმწიფო უნივერსიტეტში - ბერძნულ-ლათინური ბიბლიოთეკის რედაქტორად (1978-80), ხმელთაშუა ზღვის კულტურების კვლევის ლაბორატორიის მეცნიერ-თანამშრომლად (1981-84), უფროს მეცნიერ-თანამშრომლად (1987-94), კითხულობდა ლექციებს ანტიკური ლიტერატურის ისტორიაში, ასწავლიდა ძველ ბერძნულ და ლათინურ ენებს.

1979 წლიდან ეწეოდა დისიდენტურ საქმიანობას. 1978 წლის 21 მაისს მეგობრებთან ერთად შექმნა საქართველოს რესპუბლიკური პარტია. 

1996 წლიდან შეუდგა მოღვაწეობას არასამთავრობო სექტორში. იყო "სამოქალაქო საზოგადოების ინსტიტუტის" დირექტორი (1996-97), დააარსა "სამოქალაქო განვითარების საერთაშორისო ცენტრი" (1996), ასრულებდა ფონდ "ქართუს" დირექტორის მოვალეობას (1997-98). 1998 წლიდან დაინიშნა საქართველოს პარლამენტის ილია ჭავჭავაძის სახელობის ეროვნული ბიბლიოთეკის გენერალურ დირექტორად. არის 40 სამეცნიერო ნაშრომის ავტორი.

ფილოლოგიის მეცნიერებათა კანდიდატი. დისერტაცია დაიცვა არისტოფანეს შესახებ 1990 წელს.

• რესპუბლიკური პარტიის ეროვნული კომიტეტი, წევრი
• საქართველოს პარლამენტი, წევრი (2004-2008)

• წმინდა წყვდიადი (ავტორი). - თბილისი, ბაკურ სულაკაურის გამომცემლობა, 2010. - 268გვ.. - ISBN: 978-9941-15-221-4
• ადამიანის უფლებები და ქართული კულტურა (თანაავტორი). - თბილისი, განვითარებისა და თანამშრომლობის ცენტრი - პლურალიზმის ცენტრი, 2004. - 188გვ.
• ადამიანის უფლებათა სფეროში ძირითადი საერთაშორისო სამართლებრივი აქტების კრებული ნაწ.1 ნაწ.2 (რედაქტორი). - თბილისი, 2001. - 375გვ.