The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ქართველი ავტორები
დასაწყისიკატეგორიები  
ძიება
პიროვნების სახელი:

ეს უნიკალური ცნობარი მოიცავს საქართველოში მოღვაწე და უცხოეთში მცხოვრები ქართველი ავტორების ბიოგრაფიულ მონაცემებს.



მიხეილ ღანიშაშვილი

მიხეილ ღანიშაშვილი
დაბადების თარიღი:24 მაისი, 1964  (49 წლის)
კატეგორია:ფილოლოგი

ბიოგრაფია

დაბადების ადგილი: ახმეტის რ–ნი, სოფ. ჭართალა.

დაამთავრა თბილისის ივანე ჯავახიშვილის სახელობის სახელმწიფო უნივერსიტეტის ფილოლოგიური ფაკულტეტი 1990 წელს. 

უნივერსიტეტის დამთავრების შემდეგ სხვადასხვა დროს მუშაობდა: ქართული ენისა და ლიტერატურის მასწავლებლად თბილისის სკოლებში; ახმეტის რაიონულ გაზეთ "ბახტრიონის" მთავარ რედაქტორად; თბილისის ერთ-ერთი კერძო პედაგოგიური ინსტიტუტის ახალი ლიტერატურის მასწავლებლად, ამავე ინსტიტუტის რექტორად; საქართველოს თავდაცვის სამინისტროს გაერთიანებული სამხედრო აკადემიის სასწავლო ასეულის მეთაურის მოადგილედ; "სამხედრო გაზეთის" კორესპონდენტად, საინფორმაციო განყოფილების რედაქტორად. სამხედრო გამომცემლობა "ჩირაღდანის" მთავარ რედაქტორად. წერა ბავშვობიდანვე დაიწყო. მისი პირველი ლექსი გამოქვეყნდა ახმეტის რაიონულ გაზეთ "ბახტრიონში" 1978 წელს. ამის შემდეგ მისი ლექსები, პოემები, მოთხრობები, ისტორიულ-ფილოლოგიური ხასიათისა და პუბლიცისტური წერილები პერიოდულად იბეჭდება საქართველოს პრესაში: გაზეთებში - "ბახტრიონი", "ახალგაზრდა ივერიელი", "საქართველოს რესპუბლიკა", "ერი", "მამული", "ახალი საქართველო", "სახალხო განათლება", "ლიტერატურული საქართველო", "მესამე გზა", "რუბიკონი", "ჩვენი მწერლობა", "ასი მწერლის გაზეთი", "სამხედრო გაზეთი", "საპატრიარქოს უწყებანი", ჟურნალებში - "პირველი სხივი", "ნობათი", "მნათობი", "კრიტიკა", "ლიახვი", "პირიმზე", "ბალავარი", "ღიმილი". ლირიკული პოემა "უღელი" და რამდენიმე ლექსი დაიბეჭდა პარიზში გიორგი წერეთლის რედაქტორობით გამომავალ ემიგრანტულ ჟურნალ "გუშაგში". მისი ლექსები დაბეჭდილია "ქართული ახალგაზრდული პოეზიის ანთოლოგიაში". შეყვანილია ცნობილი ქართველოლოგის ჰაინც ფენროხის მიერ გერმანიაში დაბეჭდილ "ქართული მწერლობის ანთოლოგიაში". ჩატარებული აქვს არაერთი პოეზიის საღამო და ლიტერატურული შეხვედრა როგორც თბილისში, ისე რაიონებში. არაერთგზის მონაწილეობდა რადიო-სატელევიზიო ლიტერატურულ გადაცემებში. არის პოეტურ ორდენ "მარად ახალი ქნარის" დაარსების ერთ-ერთი ინიციატორი, რომლის პირველი ოფიციალური გამოსვლაც მოხდა 1993 წლის 2 აპრილს ხელოვნების მოღვაწეთა სახლში.

ორგანიზაციის, ასოციაციის ან ჯგუფის წევრი

  • ლიტერატურული ალმანახი "პირველი სხივი", რედკოლეგიის წევრი

ჯილდოები, პრემიები და პრიზები

  • პანკისის ხეობის საპატიო სტუმარი

ბიბლიოგრაფია


გააზიარე: