
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Parliamentary Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

რევაზ ქვაჩაკიძე

Date of birth:	12 February, 1938 (86 years)
Category:	Biologist, Scientist, Educator, Athlete

Biography

დაბადების ადგილი: სოფელი მუხიანი, წყალტუბოს რაიონი.

დაამთავრა თბილისის სახელმწიფო უნივერსიტეტის ბიოლოგიის ფაკულტეტი ბოტანიკის განხრით 1961 წელს; 1961-1964წწ. გაიარა თბილისის სახელმწიფო უნივერსიტეტის ასპირანტურის კურსი აკადემიკოს ნიკო კეცხოველის ხელმძღვანელობით.

1965 წლიდან მუშაობს საქართველოს მეცნიერებათა აკადემიის ბოტანიკის ინსტიტუტში ჯერ უფროს ლაბორანტად, შემდეგ უმცროს მეცნიერ-თანამშრომლად, უფროს მეცნიერ-თანამშრომლად, ხოლო 1982 წლიდან გეობოტანიკის განყოფილების გამგედ. სხვადასხვა დროს შეთავსებით მუშაობდა სულხან-საბა ორბელიანის სახელობის სახელმწიფო პედაგოგიურ უნივერსიტეტში; 1996 წლიდან შეთავსებით მუშაობს ვახუშტი ბაგრატიონის სახელობის გეოგრაფიის ინსტიტუტში ლანდშაფტების ეკოლოგიისა და გარემოს მონიტორინგის განყოფილებაში. მისი სამეცნიერო მუშაობის ძირითადი სფეროა საქართველოს მცენარეული საფარის სტრუქტურისა და დინამიკის შესწავლა. იგი მრავალი ექსპედიციის მონაწილე და ხელმძღვანელია, გამოიკვლია საქართველოს მთისა და ბარის რეგიონების ბუნებრივი მცენარეულობა - ტყეები, მდელოები, სტეპები. ორიგინალურ მდიდარ მასალაზე დაყრდნობით მან პირველმა შეადგინა ქვეყნის დეტალური გეობოტანიკური დარაიონება (1996) და ტყის მცენარეულობის ტიპოლოგია - ფიტოცენოზთა სისტემატიკა (2001). იგი 80-ზე მეტი სამეცნიერიო ნაშრომის ავტორია, რომლებშიც განხილულია საქართველოს ბუნებრივი მცენარეული თანასაზოგადოებების (ფიტოცენოზების) ვერტიკალურ-ზონალური და ჰორიზონტალური გავრცელების კანონზომიერებები, ტყეების ტიპოლოგიური სტრუქტურა, ფიტოცენოზთა ცვლა (სუქცესია) ბუნებრივ პირობებთან და ანთროპოგენურ ზემოქმედებასთან კავშირში. მეცნიერულ მოღვაწეობასთან ერთად იგი არის სპორტის ოსტატი, 1957-1966წწ. იყო საქართველოსა და საბჭოთა კავშირის ნაკრები გუნდების წევრი მძლეოსნობაში. არის საქართველოს მრავალგზის ჩენპიონი და რეკორდსმენი სიგრძეზე ხტომაში (7, 79 მ.), საკავშირო შეჯიბრებების მრავალგზის გამარჯვებული და პრიზიორი, რომის მე-17 ოლინპიური თამაშების (1960) მონაწილე. ბიოლოგიურ მეცნიერებათა დოქტორი, პროფესორი (1986).

საკანდიდატო დისერტაციის თემა - "კახეთის კავკასიონის სუბალპური სარტყლის ძირითადი მერქნიანი მცენარეების ფიტოცენოლოგიური პოზიციები და ეკოლოგიურ-ბიოლოგიური თავისებურებანი", დაიცვა 1967 წელს; სადოქტორო დისერტაციის თემა - "კავკასიონის სამხრეთი კალთის მაღალმთის ტყეები და მათი ცვლის ძირითადი მიმართულებანი", დაიცვა 1980 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.260-261

Member of Organizations

საქართველოს ბოტანიკური და გეოგრაფიული საზოგადოება, წევრი

Bibliography

საქართველოს გეობოტანიკური რაიონები : Geobotanical regions of Georgia (Author). - თბილისი, მეცნიერება, 2010. - 176გვ.. - ISBN: 978-9941-0-1945-6
საქართველოს მცენარეულობა : Vegetation of Georgia (Author). - თბილისი, მეცნიერება, 2009. - 156გვ.. - ISBN: 978-9941-0-1206-8
საქართველოს ძირეული ტყეები : ანთროპოგენური სუქცესიები, აღდგენა, რეკონსტრუქცია (Co-Author). - თბილისი, მეცნიერება, 2004. - 101გვ.. - ISBN: 99928-0-854-3
საქართველოს ბუნებრივი მცენარეული რესურსები : Natural vegetation resources of Georgia (Author). - თბილისი, მეცნიერება, 2003. - 131გვ.. - ISBN: 99928-0-529-3
საქართველოს მცენარეული საფარის ისტორია (Author). - თბილისი, მეცნიერება, 2002. - 46გვ.
საქართველოს ტყეები : ძირითადი ასოციაციები (ტყის ტიპები) (Author). - თბილისი, მეცნიერება, 2001. - 168გვ.. - ISBN: 99928-0-134-4
საქართველოს ტყე : აწმყო და მომავალი (Author). - თბილისი, მეცნიერება, 2001. - 24გვ.. - ISBN: 99928-0-214-6
ლაგოდეხის სახელმწიფო ნაკრძალის მცენარეულობა (Author). - თბილისი, საარი, 1999. - 169გვ.
საქართველოს გეობოტანიკური დარაიონება (Author). - თბილისი, მეცნიერება, 1996. - 128გვ.
კახეთის კავკასიონის ტყის მცენარეულობა (Author). - თბილისი, მეცნიერება, 1992. - 177გვ.