მიხეილ თოქმაზიშვილი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1981 წელს.

1981–1998წწ. იყო საქართველოს მეცნიერებათა აკადემიის ეკონომიკის ინსტიტუტის უფროსი მეცნიერი თანამშრომელი, განყოფილების გამგე; 1999–2005წწ. ს.-ს. ორბელიანის სახელობის თბილისის სახელმწიფო პედაგოგიური უნივერსიტეტის ეკონომიკისა და მენეჯმენტის კათედრის პროფესორი; 1998–2005წწ. საქართველოს პარლამენტის საბიუჯეტო ოფისის მაკროეკონომიკის განყოფილების ხელმძღვანელი; 2005–2012წწ. საქართველოს ეროვნული ბანკის საბჭოს წევრი, სახელმწ. შესყიდვების სააგენტოს სამეთვალყურეო საბჭოს თავმჯდომარე (2000); 2000–2010წწ. მუშაობდა პოლონეთის საერთაშორისი სოციალურ-ეკონომიკური კვლევების ცენტრში – Case-ის საქართველოს ფილიალში; 1996–99წწ. მსოფლიო ბანკის პროგრამის ხელმძღვანელად საქართველოში; 2010 წლიდან საქართველოს საპატრიარქოს წმინდა ანდრია პირველწოდებულის სახელობის ქართული უნივერსიტეტის ეკონომიკისა და ბიზნესის ფაკულტეტის პროფესორია, 2014 წლიდან თბილისის სახელმწიფო უნივერსიტეტის ეკონომიკისა და ბიზნესის ადმინისტრირების ფაკულტეტის ასოცირებული პროფესორი, 2016 წლიდან – ქართული ენციკლოპედიის ეკონომიკის სამეცნიერო საბჭოს წევრი. არის მრავალი საერთაშორისო პროექტის თანაავტორი, რომლებიც ხორციელდებოდა ევროკავშირის, გაეროსა და მსოფლიო ბანკის ეგიდით; სამეცნიერო შრომები აქვს ბიზნესის მართვის, ეკონომიკის პოლიტიკის, საქართველოს ეკონომიკის, მაკროეკონომიკის, საერთაშორისო ეკონომიკის, ფინანსებისა და სოციალური რეფორმების სფეროებში, რომლებიც გამოქვეყნებულია საქართველოსა და საზღვარგარეთის მრავალ ქვეყანაში; არის 8 მონოგრაფიისა და მრავალი სტატიის ავტორი. ეკონომიკის მეცნიერებათა დოქტორი (1995), პროფესორი (2010).

სადისერტაციო თემა – "შრომის განაწილება საბაზრო ეკონომიკის პირობებში".

წყარო: საქართველო: ენციკლოპედია: ტ. IV. -თბ., 2018. -გვ. 104; youtube.com

• გლობალური საფინანსო - სავალუტო კრიზისები და საქართველო. - თბილისი, თბილისის სახ. პედ. უნ-ტი, ფონდი CASE - ტრანსკავკასია, 2004. - 50გვ.. - ISBN: 99928-0-874-8
• ფრიდრიხ ფონ ჰაიეკის ეკონომიკური თეორიის ნარკვევები (ავტორი). - თბილისი, თბილისის სახ. პედ. უნ-ტის გამომცემლობა, 2004. - 19გვ.. - ISBN: 99928-0-873-X
• განათლების ეკონომიკის პრინციპები : განათლების ეკონომიკა, განათლების ეკონომოკური სოციოლოგია, განათლების ეკონომიკური პოლიტიკა (თანაავტორი). - თბილისი, თბილისის სახ. პედ. უნ-ტის გამომცემლობა, 2004. - 391გვ.. - ISBN: 99940-0-229-5
• შემოსავლების ფუნქციონალური განაწილების თეორია: ისტორია და მეთოდოლოგია : ისტორია და მეთოდოლოგია (ავტორი). - თბილისი, თბილისის ჰუმანიტ. ეკონ. ინ-ტი, 1994. - 335გვ.
• სოციალიზმის ეკონომიკური წინააღმდეგობები (ავტორი). - თბილისი, მეცნიერება, 1989. - 80გვ.