| Login |
 |
 |
 English  Georgian |
| HomeCategories |
|
Search The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it. The dictionary is supported by the National Library of Georgia. The project aims at publishing the biographies of outstanding Georgians. We hope that whole Georgia will be involved in filling this unique dictionary. |
ირაკლი შამათავა
Biographyდაბადების ადგილი: ქ. გალი. დაამთავრა ივანე ჯავახიშვილის სახელობის თბილისის სახელმწიფო უნივერსიტეტის იურიდიული ფაკულტეტის სამართლის ბაკალავრიატი 2011 წელს; კავკასიის უნივერსიტეტის სამართლის სკოლის მაგისტრატურა 2016 წელს. არის თბილისის პოლიტიკური სწავლების სკოლის კურსდამთავრებული (2020) 2009-2010წწ. იყო ივ. ჯავახიშვილის სახელობის თბილისის სახელმწიფო უნივერისტეტის სტიპენდიანტი. არის შავი ზღვის საერთაშორისო უნივერსიტეტის სრული პროფესორი, კავკასიის უნივერსიტეტის სამართლის სკოლის ასოცირებული პროფესორი და ბათუმის სახელმწიფო უნივერსიტეტის მოწვეული ლექტორი. ადვოკატი სამოქალაქო და ადმინისტრაციული სამართლის სპეციალიზაციით. 2015-2017წწ. იყო თბილისის საკრებულოს ლიტერატურისა და ხელოვნების კონკურს „თბილისის“ თავმჯდომარე და კონკურსში ნომინირებული/გამარჯვებული ნაწარმოებების სერიული გამოცემის ხელმძღვანელი. 2023-2025 წლებში იყო შავი ზღვის საერთაშორისო უნივერსიტეტის სამართლისა და სახელმწიფო მმართველობის სკოლის დეკანი, "თანამედროვე სამართლის ჟურნალის" მთავარი რედაქტორი და საჯარო ადმინისტრირებისა და სახელმწიფო მმართველობის საბაკალავრო პროგრამის ხელმძღვანელი. სამართლის აქტუალურ საკითხებზე გამოქვეყნებული აქვს 20-ზე მეტი სამეცნიერო სტატია როგორც ადგილობრივ, ისე საერთაშორისო გამოცემებში; 2024 წელს, გამომცემლობა "ბონა კაუზა"-მ გამოსცა მონოგრაფიული ნაშრომი; 2025 წელს იტალიაში, ლუიჯი ვანვიტელის კამპანიის უნივერსიტეტის (Università degli Studi della Campania Luigi Vanvitelli) სტიპენდია მოიპოვა. მისი მოთხრობები იბეჭდება პერიოდულ გამოცემებში: "ცისკარი", "ქართული მწერლობა", "ჩვენი მწერლობა", "ლიტერატურული პალიტრა L", "ალავერდობა", "მერანი", "ქართული სიტყვა", "ქართული მწერლობა". პროზაული ნაწარმოებები თარგმნილია ინგლისურ, რუსულ, სომხურ, აზერბაიჯანულ და აფხაზურ ენებზე. თარგმანები დაიბეჭდა "ცოცხალი წიგნების" ინგლისურენოვან ანთოლოგიაში, (2017-2018), ასევე მსოფლიო ხალხთა პროზაულ ანთოლოგიაში (2012-2014); არის თბილისის წიგნის XXII და XXIII ლიტერატურული ფესტივალების მონაწილე და მოდერატორი. 2023 წელს, მწერალთა სარეზიდენციო პროგრამის (Writer’s House Exchange Program; Residencia Literaria 1863, A Coruna, Spain) ფარგლებში იმყოფებოდა ესპანეთში, ლა-კორუნიაში, სადაც იმუშავა ავტობიოგრაფიულ წიგნზე. ავტორი და ხელმძღვანელია ილუსტრირებული ფოტოალბომის თბილისი – ძველი და ახალი, Tbilisi – Old And New (2017 წ.) და გამოცემის ვილაპარაკოთ – 33 ამბავი აფხაზეთზე, რომელიც აერთიანებს თანამედროვე ქართული მწერლობის საუკეთესო პროზაულ ტექსტებს აფხაზეთის ომზე (2020 წ.). დაჯილდოებულია: სტუდენტური ლიტერატურული კონკურს "ალერდის" (2011), ნიკოლოზ ბარათაშვილის სახლ-მუზეუმისა და ქ.თბილისის მერიის მიერ ორგანიზებული ლიტერატურული კონკურსი "მცირე პროზის" (2010), წმ. ილია მართლის (ჭავჭავაძის) გაზეთ ივერიის სახელობის პროზა-პოეზიის (2016), ქალაქ ფოთის კულტურის განვითარებაში შეტანილი განსაკუთრებული წვლილისთვის (2016) პრემიებით; ნიკო ლორთქიფანიძის პრემია (2020); გიორგი შარვაშიძის სახელმწიფო პრემია (2020); პრემია "მანდარინები" (ქართულ-აფხაზური ურთიერთობებისთვის, 2021); არის ბერტა ფონ ზუტნერის მშვიდობის საერთაშორისო პრემიის ნომინანტი (2022). ქართულ-აფხაზური ურთიერთობისთვის 2024 წელს დაჯილდოვდა საქართველოს ეროვნული პარლამენტის, თბილისის მუნიციპალიტეტის საკრებულოს და სახელმწიფო ენის პალატის მიერ. სამართლის დოქტორი (2022). სადოქტორო დისერტაციის თემა - "მხარეთა უფლება-მოვალეობების თანაბარზომიერი დაცვის სტანდარტი სესხის ხელშეკრულებაში", დაიცვა 2022 წელს. Member of Organizations
Awards and Honors
Bibliography
|
Suggest a Biography| Biographical Dictionary. version 1.2.2.R1 Copyright © 2010-2012 by David A. Mchedlishvili |