The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

საკონტაქტო ინფორმაცია
+995 (32) 297-16-12



თეიმურაზ I (მეფე)

თეიმურაზ I
ოფიციალური სახელი:თეიმურაზ ბაგრატიონი
დაბადების თარიღი:1589
გარდაცვ. თარიღი:1663  (74 წლის ასაკში)
დაკრძალვის ადგილი:ალავერდის მონასტერი
კატეგორია:პოეტი

ბიოგრაფია

კახეთის მეფე 1606 - 1648, ქართლ-კახეთის მეფე (1625 - 1632). გამეფდა 16 წლისა მას დიდი ბრძოლები მოუხდა ანტიირანული აჯანყების დროს. მალე თეიმურაზ I თავი ირანის ვასალად აღიარა, მაგრამ მაინც განაგრძობდა ბრძოლას სრული დამოუკიდებლობისათვის ომში გამარჯვებისათვის სამხედრო დახმარებას თხოვდა ოსმალეთს და რუსეთს, მაგრამ უშედეგოდ, მან მიზანს ვერ მიაღწია. 1661 ბერად აღიკვეცა. თეიმურაზ I ირანში გაიწვიეს და კახეთის სამეფო ტახტის დაბრუნება აღუთქვეს, თუ მაჰმადიანობას მიიღებდა. თეიმურაზმა უარი თქვა, რის გამოც იგი ასტრაბადის ციხეში გამოამწყვდიეს, სადაც გარდაიცვალა. თეიმურაზ. I კარგად იცნობდა სპარსულ ენასა და მწერლობას და წერდა კიდეც. მან გადმოაქართულა სპარსულენოვან სამყაროში ფართოდ გავრცელებული პოემები: ”ვარდბულბულიანი”, ”ლეილმაჯნუნიანი”. თეიმურაზ I უპირატესობას სასულიერო თემატიკას ანიჭებდა, თუმცა მის პოეზიაში საერო ნაკადიც ბატონობდა. თეიმურაზ I ერთ-ერთმა სცადა ქართულ პოეზიაში ეროვნული თემატიკის დამუშავება. პოემაში ”ქეთევან დედოფლის წამება” მან დიდი მღელვარებით აღწერა თავისი დედის, ქეთევან დედოფლის თავდადება სამშობლოსა და სარწმუნოებისათვის. მასვე ეკუთვნის ლირიული პოემა ”მაჯამა”, ”თამარის სახე დავით გარეჯას” და სხვ. თეიმურაზ I ქართულ მწერლობაში შემოიღო სხვადასხვა ლიტერატურული ჟანრი. მან დაამკვიდრა მაჯამური ლექსის ფორმა, განავითარა გაბაასების ჟანრი, რამაც მტკიცედ მოიკიდა ფეხი ქართულ მწერლობაში.

ბიბლიოგრაფია


გააზიარე: