სტეფანე მტბევარი

X ს. ქართველი საეკლესიო მოღვაწე, მწერალი, ტბეთის ეპისკოპოსი, განსწავლული თეოლოგი და მწიგნობარი. მას ეკთუვნის ჰაგიოგრაფიული თხზულება ”წამებაჲ წმიდისა მოწამისა გობრონისი”, რომელიც დაწერა ერისთავთერისთავ აშოტ კუხის თხოვნით (914-918). მასში აღწერილია ქართველთა ბრძოლა არაბთა წინააღმდეგ. ძეგლი გამოირჩევა ღრმა პატრიოტული სულისკვეთებით, ავტორის მხატვრული ოსტატობით და წერის მაღალი კულტურით.

• წამება წმიდისა მოწამისა გობრონისი (ავტორი) // ძველი ქართული აგიოგრაფიული ლიტერატურის ძეგლები, წ. 1. - თბილისი, საქ. მეცნ. აკად. გამ-ბა, 1963. - 348 გვ.