ათონელი ზოსიმე (ათონელი)

ზოსიმე (ათონელი), XI საუკუნის ქართველი ჰიმნოგრაფი, ათონის სალიტერატურო სკოლის წარმომადგენელი. ჩვენამდე მოაღწია ზოსიმეს ორმა საგალობელმა, მიძღვნილმა ილარიონ ქართველისა და ექვთიმე ათონელისადმი. საგალობლები დაწერილია 1072-1077 წლებში ათონის მონასტრის მღვდლის იაკობის დაკვეთით. მათში უხვადაა გამოყენებული ილარიონ ქართველისა და ექვთიმე ათონელის ცხოვრებათა მასალები. "გალობანი ექვთიმე მთაწმიდელისანი" დაწერილია იამბიკოს საზომით, ხოლო "გალობანი ილარიონ ქართველისანი" − მარცვლედოვანი საზომით. ორივე საგალობელი აღბეჭდილია ღვთისმოსავი ავტორის ღრმა განცდით. ზოსიმე ხელნაწერთა გადანუსხვასაც ეწეოდა. ცნობილია, რომ მას გადაუწერია გიორგი ათონელის მიერ თარგმნილი "სტოდიერი" და გიორგი ათონელისავე ოქტომბრის "თთუენი".

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.147-148

• გალობანი წმიდისა და ნეტარისა მამისა ჩუენისა ილარიონისნი (თანაავტორი) // ძველი ქართული ლიტერატური ქრესტომათია ტ.1. - თბილისი, 1946. - გვ.360-363