დიმიტრი სააკაძე

დაბადების ადგილი: სოფ. ბონევი, ატენის ხეობა.

1734 წელს მოსკოვში ჩავიდა, ვახტანგ VI ამალას შეუერთდა და პრესნიაზე დასახლდა. 1741 წლიდან სამხედრო სამსახურში იმყოფებოდა. დ. სააკაძის ლექსებში, რომლებიც ბარათების სახით არის დაწერილი, ასახულია რუსეთში გადახვეწილ ქართველთა საქმიანობა, ფიქრი და განცდა, მათი ყოველდღიური ცხოვრების ჭირ-ვარამი. პოეტი უჩივის "სამკვიდროსაგან აღმოფხვარას", "სამყოფთაგან გამოძევებას" და ნატრობს სამშობლოში დაბრუნებას. 

• წერილები (ავტორი) // ბრეგაძე, დავით, ქართველი მწერლები რუსეთში, წ. 1, XVIII ს. . - თბილისი, ცოდნა, 1958. - 356 გვ.
• წერილები (ავტორი) // ქართული სიტყვა-კაზმული მწერლობის ანთოლოგია, ტ. 2. - ტბილისი, 1928, 1928. - 304გვ.