
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

იაკობ გოგებაშვილი

Date of birth:	27 October, 1840
Date of death:	14 June, 1912 (at 71 years)
Burial location:	მთაწმინდის პანთეონი, თბილისი
Category:	Writer, Educator, Publicist

Biography

დაბადების ადგილი: სოფელი ვარიანი, ახლანდელი გორის რაიონი.

მეცნიერული პედაგოგიკის ფუძემდებელი საქართველოში, პუბლიცისტი და საბავშვო მწერალი. დაიბადა ღარიბი მღვდლის ოჯახში, 1861 წელს დაამთავრა თბილისის სასულიერო სემინარია, შემდეგ კი კიევის სასულიერო აკადემია. სამშობლოში დაბრუნებისთანავე (1864) იგი თბილისის სასულიერო სასწავლებლის მასწავლებლად, ხოლო 1968 წელს მის ინსპექტორად დაინიშნა. 1874 წელს იგი, როგორც პოლიტიკურად არასაიმედო, თანამდებობიდან მოხსნეს.

ი. გოგებაშვილი დაუღალავად იბრძოდა საქართველოში სახალხო სკოლების შექმნა-დამკვიდრებისათვის. მას დიდი ღვაწლი მიუძღვის ქართველთა შორის წერა-კითხვის გამავრცელებელი საზოგადოების დაარსებასა და საქმიანობაში. განსაკუთრებით აღსანიშნავია ი. გოგებაშვილის სასკოლო სახელმძღვანელოები: "ქართული ენის ანბანი და პირველი საკითხავი წიგნი მოსწავლეთათვის" (1865); "ბუნების კარი" (1868); "დედა ენა" (1876), რომლებმაც დიდი როლი ითამაშეს ახალი ქართული სალიტერატურო ენის განვითარებასა და დამკვიდრებაში და რომელთა პრინციპებზეა შედგენილი ქართული სკოლების დაწყებით კლასებში ამჟამად მოქმედი ქართული ენის სახელმძღვანელოები. გოგებაშვილი ქართული საბავშვო ლიტერატურის ფუძემდებელია. მის მოთხრობებში დიდაქტიკური ელემენტი ორგანულად ერწყმის მხატვრულ რეალიზმს. გოგებაშვილის მხატვრული შემოქმედების ძირითადი წყაროა ქართული ფოლკლორი. ცნობილია მისი მოთხრობა "იავნანამ რა ჰქმნა" (1890). თავისი საბავშვო მოთხრობებით მწერალმა დიდი ამაგი დასდო საყმაწვილო ჟურნალებს: "ნობათს", "ჯეჯილსა" და "ნაკადულს".

ი. გოგებაშვილი არ იშურებდა სახსრებს სახალხო განათლებისათვის. ამის დამადასტურებელია ისიც, რომ სიკვდილის წინ მან მთელი თავისი ქონება ქართველთა შორის წერა-კითხვის გამავრცელებელ საზოგადოებას გადასცა.

წყარო: ქართული საბჭოთა ენციკლოპედია, ტ. 3. - თბ., 1978. -გვ. 196-197; საქართველო: ენციკლოპედია, ტ. 2. -თბ., 2012 გვ. 56-58

Bibliography

საბავშვო მოთხრობები : კრებული (Author). - თბილისი, გრიფონი, 2011. - 156 გვ.. - ISBN: 99940-793-8-7
დედა ენა (Compiler). - თბილისი, განათლება, 1991. - 188 გვ. . - ISBN: 5-505-01190-X
რანი ვიყავით გუშინ (Author). - თბილისი, ხელოვნება, 1990. - 287 გვ.
ასპინძის ომი : ისტ. ამბავი მოზრდილი ყმაწვილებისათვის (Author). - თბილისი, განათლებ, 1990. - 31 გვ.
ბუნების კარი ანუ ყრმათათვის საკითხავი წიგნი, მესამე და მეოთხე წლისათვის (Author). - თბილისი, განათლება, 1989. - 632 გვ.
ბიბლიური ისტორია : ლეგენდები ქრისტეზე (Author). - თბილისი, მერანი, 1989. - 335 გვ.
იავნანამ რა ჰქმნა? : მოთხრობები (Author). - თბილისი, საბჭ. საქართველო, 1988. - 187 გვ.