The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ბიოგრაფიული ლექსიკონი
დასაწყისიკატეგორიები  
ძიება
პიროვნების სახელი:

საქართველოს ბიოგრაფიულ ლექსიკონში იხილავთ იმ პიროვნებათა ბიოგრაფიებს, რომლებიც საქართველოს ისტორიის ნაწილნი არიან ან დაკავშირებულნი არიან საქართველოსთან, უცხოვრიათ საქართველოში ან მის ფარგლებს გარეთ.

ლექსიკონის მხარდამჭერია საქართველოს პარლამენტის ეროვნული ბიბლიოთეკა.

პროექტი მიზნად ისახავს, გამოაქვეყნოს მაქსიმალურად ყველა ცნობილი ქართველი. ამ უნიკალური ლექსიკონის შევსებაში, ვფიქრობთ, ჩაერთვება მთელი საქართველო.

შემოგვიერთდით ფეისბუკის გვერდზე



სოფრომ მგალობლიშვილი

სოფრომ მგალობლიშვილი
დაბადების თარიღი:20 ივლისი, 1851
გარდაცვ. თარიღი:30 დეკემბერი, 1925  (74 წლის ასაკში)
დაკრძალვის ადგილი:დიდუბის პანთეონი, თბილისი
კატეგორია:მწერალი

ბიოგრაფია

დაბადების ადგილი: სოფ. დირბი, ქარელის რ-ნი.

 1867 წელს დაასრულა გორის სასულიერო სასწავლებელი და 1873 წელს თბილისის სასულიერო სემინარია. 1893-1897 წლებში მუშაობდა ფოთში, სამეგრელოს საეპარქიო სამმართველოში, ხოლო 1897-1910 წლებში - თბილისში, სინოდის კანტორაში. გორის ხალხოსანთა რევოლუციურ ორგანიზაციაში მონაწილეობისათვის ორჯერ (1876 და 1878 წლებში) იყო დაპატიმრებული. იგი თანამშრომლობდა ქართველ ხალხოსანთა ჟურნალში "იმედი", 1912-1913 წლებში გაზ. "ჩვენი დროების", ხოლო 1912 წლიდან გაზ. "თემის" რედაქტორი იყო. ს. მგალობლიშვილი ხალხოსნური მიმართულების მწერალია. მის შემოქმედებაში აისახა ქართველი გლეხობის ცხოვრება ბატონყმობის გადავარდნის წინა პერიოდიდან 1905-1907 წლების რევოლუციისა და მისი მომდევნო რეაქციის ხანამდე. მის მოთხრობებში ("დედა მაია", 1880; "ღამის მეხრე ცეცო", 1881; "მთიული სოსე", 1892 და სხვ.) გამოხატა გლეხობის უსასოო მდგომარეობა, მათი შეუბრალებელი ექსპლოატაცია ვაჭრების, მემამულეებისა და მეფის მოხელეთა მიერ. მგალობლიშვილმა თავის ნაწარმოებებში ქართველი გლეხი ქალების საინტერესო სახეები შექმნა. ს. მგალობლიშვილს ეკუთვნის აგრეთვე მემუარული ხასიათის მოგონებები (გამოიცა 1938 წელს), ვრცელი ავტობიოგრაფიული მოთხრობა "წარსულიდან" (1898-1900 წწ.), პოპულარული საყმაწვილი მოთხრობები - "თინიას გიშერა" (1890 წ.), "ყაყიტას ქურდი" და სხვ. ს. მგალობლიშვილმა წარუშლელი კვალი დატოვა ქართული ლიტერატურის ისტორიაში.

ბიბლიოგრაფია


გააზიარე: