გელა დუმბაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1989 წელს.

1989-1996წწ. იყო საბავშვო ესთეთიკურ-საგანმანათლებლო სასწავლებლის დირექტორი; 1996-1998წწ. კითხულობდა ლექციებს სხვადასხვა უმაღლეს სასწავლებლებსა და საშუალო სკოლებში შემდეგ საკითხებზე: რელიგია და განმანათლებლობა; ორატორული ხელოვნება და საჯარო გამოსვლის ტექნიკა. 1998 წლიდან დღემდე მუშაობს საქართველოს საგარეო საქმეთა სამინისტროში. სხვადასხვა პერიოდში მუშაობდა საგარეო საქმეთა სამინისტროს დიპლომატიურ თანამდებობებზე, აგრეთვე საქართველოს საელჩოებში: აზერბაიჯანის რესპუბლიკასა (2001-2005წწ.) და რუსეთის ფედერაციაში (2007-2009წწ.); 2009-2013წწ. საქართველოს საელჩო უკრაინაში, უფროსი მრჩეველი; 2013-2014წწ. საქართველოს საელჩო უზბეკეთისა და ტაჯიკეთის რესპუბლიკებში, ელჩის მოვალეობის შემსრულებელი, უფროსი მრჩეველი; 2014 წელს დიასპორის საკითხებში საქართველოს სახელმწიფო მინისტრის მოადგილე; 2014 წლიდან დიასპორის საკითხებში საქართველოს სახელმწიფო მინისტრი; მინიჭებული აქვს უფროსი მრჩევლის დიპლომატიური რანგი და უმაღლესი კატეგორიის პედაგოგის წოდება; 2017 წლის ივნისიდან - საქართველოს ელჩი უკრაინაში, მინიჭებული აქვს საგანგებო და სრულუფლებიანი დესპანის დიპლომატიური რანგი; საქართველოს პრეზიდენტის 2019 წლის 9 ივლისის განკარგულებით, მინიჭებული აქვს საგანგებო და სრულუფლებიანი ელჩის დიპლომატიური რანგი.

მისი პირველი კრებული "ყვითელი ტროლებუსი", გამოიცა 1996 წელს, ხოლო ნოველების მეორე კრებული "მე მორბენალი" - 2006 წელს. ავტორის პიესები დადგმულია საქართველოს რადიოს პირველი არხის მიერ 1996 წელს; აგრეთვე, აზერბაიჯანის რესპუბლიკის სოფ. ალიბეგლოს ილია ჭავჭავაძის სახ. ქართული დრამატული თეატრის მიერ -2005 წელს.

გ. დუმბაძის ფერწერული ნამუშევრები გამოფენილია ქ. თბილისში გალერეა "Artgalleryline"-ში. 2012 წლის ივნისში ქ. კიევის გალერეა "Artholl"-ში გაიმართა მისი ნამუშევრების პირველი პერსონალური გამოფენა; მისი ფერწერული ნამუშევრების მეორე პერსონალური გამოფენა "კიევი. აკრილის დღიური", გაიმართა 2018 წლის ნოემბერს ქ. კიევში. არის ლიტვის ლიტერატურული კონკურსის (1987), გაზეთ "მამული"-ს ლიტერატურული კონკურსის (1993) და ქართულ-გერმანული კონკურსის ლაურეატი; მიენიჭა მსოფლიო ფუდოკანის ფედერაციის მიერ ოსტატის წოდება ფუდოკან კარატეში "შავი ქამარი" 1 (შო) დან-ი (2014) და  საქართველოს კარატეს ეროვნული ფედერაციის მიერ ოსტატის წოდება შოტოკან კარატეში "შავი ქამარი" 2 (ნი) დან-ი (2014).

წყარო: დიასპორის საკითხებში სახელმწიფო მინისტრის აპარატის პორტალი: diaspora.gov.ge; დამოუკიდებელი საქართველოს ელჩები, 1991-2021: ნაწილი 1/ ჭუმბურიძე, ზვიად. - თბ., 2021. გვ. 72

• საქართველოს ფუდოკანი, პრეზიდენტი (2014-)
• ძეგლთა დაცვის ახალგაზრდული გაერთიანება, დამფუძნებელი (1987-)

• 2016 - ივანე ჯავახიშვილის სახელობის მედალი
  ლევილის მამულის საქართველოსთვის დაბრუნებაში მიღებული განსაკუთრებული წვლილისთვის

• მე-მორბენალი : კრებული (ავტორი). - თბილისი, ინოვაცია, 2007. - 224გვ.
• ყვითელი ტროლეიბუსი : ნოველები, შტრიხები პორტრეტისათვის, რადიო პიესა (ავტორი). - თბილისი, გაზ. "სამშობლო ფორტე", 1995. - 120გვ.