გერონტი ქიქოძე

დაბადების ადგილი: სოფელი ბახვი, ოზურგეთის რაიონი.

დაამთავრა ლაიფციგისა და ბერნის უნივერსიტეტები.

ქართულ პრესაში აქვეყნებდა დიდი ერუდიციით, დახვეწილი გემოვნებითა და უზადო ქართულით დაწერილ სტატიებსა და ესეებს. ეწეოდა პედაგოგიურ მოღვაწეობას თბილისის სახელმწიფო უნივერსიტეტში. იყო ლიტერატურული დაჯგუფების "არიფიონის" ერთ-ერთი მოთავე, ალმანახ "არიფიონის" რედაქტორი (ვ. გორგაძესთან ერთად). იყო ფართოდ განათლებული მწერალი და მკვლევარი. თანაბრად საფუძვლიანად იცნობდა ევროპის ძველ თუ ახალ ლიტერატურას, მხატვრობას, მუსიკას, მსოფლიო ფილოსოფიურ აზროვნებასა და კულტურას, ქართველი ერის ისტორიას, ქართულ ლიტერატურას. აღიარებული იყო ქართული კრიტიკული აზროვნების მეტრად. მის ნაშრომებს შორის აღსანიშნავია: "წერილები ხელოვნებაზე", "ქართული ლიტერატურის ისტორია", "ეტიუდები და პორტრეტები" და სხვა. მემუარულ ლიტერატურაში ერთ-ერთი საუკეთესოა მისი "განთიადიდან შუადღემდე". იყო შეუდარებელი მთარგმნელი ა. სტენდალის, ა. დოდესი, ა. ფრანსისა და სხვათა ნაწარმოებებისა. მისი თარგმანები არანაკლებ მნიშვნელოვანია ეროვნული ლიტერატურისა და ენის განვითარებისათვის. მისი თარგმანები მიჩნეულია მთარგმნელობითი ლიტერატურის კლასიკურ ნიმუშებად. მიღებული ჰქონდა სახელმწიფო ჯილდოები. მწერალი, კრიტიკოსი, ლიტერატურათმცოდნე, მთარგმნელი. ისტორიკოს მანანა ქიქოძის მამა.

წყარო: მამულიშვილთა სავანე. - თბ., 1994. - გვ.343;  ქართული საბჭოთა ენციკლოპედია, ტ. 10. -თბ., 1986. - გვ.538; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.365; კარგ ქართველთა საფლავები: geonecropol.ge

• პატარა ერის ხვედრი : კრებული (ავტორი). - თბილისი, სახ. უნ-ტის გამ-ბა, 2003. - 316გვ.. - ISBN: 99940-13-55-6
• ეროვნული ენერგია (ავტორი). - თბილისი, გრ. ცხაკაიას გამოც., 1991. - 204გვ.
• ეტიუდები და პორტრეტები : კრიტიკული განხილვა (ავტორი). - თბილისი, საბჭოთა მწერალის გამ-ბა და სტ., 1946. - 160გვ.
• შაგრენის ტყავი : ფილოსოფიური ეტიუდი (მთარგმნელი). - ტფილისი, სახელგამი, 1931. - 319გვ.
• სულნი სალხინებელისანი : ნოველა (მთარგმნელი). - ტფილისი, პოლიგრაფტრ. მე-2 სტ., 1929. - 89გვ.