გივი ჭიჭინაძე

დაბადების ადგილი: ქ. თბილისი.

დაამთავრა თბილისის თეატრალური ინსტიტუტის სამსახიობო ფაკულტეტი 1957 წელს.

1957 წელს მუშაობა დაიწყო სოხუმის კ. გამსახურდიას სახელობის თეატრში. 1960 წელს კი გადმოიყვანეს თბილისში,   რუსთაველის სახელობის სახელმწიფო აკადემიურ თეატრში. გივი ჭიჭინაძე სამსახიობო მოღვაწეობასთან ერთად ნახევარი საუკუნე ემსახურებოდა საყმაწვილო ლიტერატურას. იგი ლექსებს ბავშვობიდან წერდა, მაგრამ მისი პოეტური ნათლობა 1955 წელს შედგა, როცა გამოაქვეყნა პირველი საბავშვო ლექსების კრებული. მისი ლექსები თარგმნილია რუსულ, უკრაინულ, ესტონურ და აზერბაიჯანულ ენებზე. გივი ჭიჭინაძეს გამოქვეყნებული აქვს ლირიკული ლექსების ორი კრებული: "გამოღვიძება" და "ნოემბრის ქარი". მისი პიესები "უცნაური ბიჭი", "საბედისწერო ოპერაცია", "იისფერა", "არა შეჯდა მწყერი ხესა", "ჯადოსნური ბურთი"  წარმატებით იდგმებოდა თეატრის სცენაზე. სოხუმის კ. გამსახურდიას სახელობის თეატრის სცენაზე მან განასახიერა როლები: ოპტიმისტენკო - მაიაკოვსკის "აბანო",  ბობჩინსკი - ნ. გოგოლის, "რევიზორი" ჯეკობს უმცროსი, ი. ილფისა და პეტროვის "მშვიდობის კუნძული". რუსთაველის სახელობის სცენაზე მან განასახიერა შემდეგი როლები: ივანიკა - გ. ნახუცრიშვილის "ფიროსმანი", ივლიანე - გ. ხუხაშვილის "ზღვის შვილები", ნიკოლ - ჟ. მოლიერის "გააზნაურებული მდაბიო", ვანგი- ბ. ბრეხტის "სეჩუანელი კეთილი ადამიანი", გენერალი ბერდოსანი - შ. დადიანის "გუშინდელნი",  რწმუნებული - პ. კაკაბაძის  "ყვარყვარე", ქიმიის მასწავლებელი - ნ. დუმბაძის "მე, ბებია, ილიკო და ილარიონი",  ლეონტი - ა. ჩხაიძის "სამიდან ექვსამდე", გ. ნახუცრიშვილის "სალამურა"  - კინა-ლოკო; გადაღებულია ფილმებში:  "ფერისცვალება" (რეჟ. ლანა ღოღობერიძე, 1968),  "წუთისოფელი" (ევტიხი, რეჟ.: შოთა მანაგაძე, ნოდარ მანაგაძე, 1971), "მინდვრის ყვავილი" (რეჟ. კარლო ღლონტი, 1974), "იყო და არა იყო რა" (რეჟ. ნოდარ ომიაძე, 1976), "ნატვრის ხე" (იფრო, რეჟ. თენგიზ აბულაძე, 1976), "რბოლა" (რეჟ. თამაზ გომელაური, 1977), "სამი ალიყური" (რეჟ. ელგუჯა ჟღენტი, 1982), "დანაშაული მოხდა" (რეჟ. ნანა მჭედლიძე, 1988), "სიბრძნე სიცრუისა" (ბრმა, გზირი, ვაჭარი, მსაჯული, რეჟ. ნანა ხატისკაცი, 1991), "წითელი პათეფონი" (რეჟ. დევი აბაშიძე, 1995).

წყარო: ქართული საბჭოთა ენციკლოპედია: ტ. 11.-თბ.,1987.-გვ. 403; წიგნი ღირსებისა: ტ. 4/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2002. - გვ.57

• საბავშვო თეატრების სამხატვრო კოლეგია, წევრი
• საქართველოს მწერალთა კავშირის გამგეობის საბავშვო ლიტერატურის სექციის ბიურო, წევრი

• 1999 - ღირსების ორდენი
  თანამედროვე ქართული ლიტერატურის განვითარებაში შეტანილი პირადი დიდი წვლილისათვის, ნაყოფიერი შემოქმედებითი და საზოგადოებრივი მოღვაწეობისათვის

• ტირიფონზე ჩიტი ტირის : ლექსები (ავტორი). - თბილისი, საქართველოს მაცნე, 2004. - 80გვ.
• ოქრო ყანა-მზის ყანა : ლექსები, პიესები (ავტორი). - თბილისი, საბჭ. საქართველო, 1987. - 222გვ.
• დათუნია დრუნჩა : ლექსი სკოლამდელთათვის (ავტორი). - თბილისი, ნაკადული, 1964. - 12გვ.