The National Library of Georgia მთავარი - ბიბლიოთეკის შესახებ - ელ.რესურსები 
  შესვლა
ქართველი ავტორები
დასაწყისიკატეგორიები  
ძიება
პიროვნების სახელი:

ეს უნიკალური ცნობარი მოიცავს საქართველოში მოღვაწე და უცხოეთში მცხოვრები ქართველი ავტორების ბიოგრაფიულ მონაცემებს.



დავით ჩხეიძე

დავით ჩხეიძე
სხვა სახელი:დია ჩიანელი  (ფსევდონიმი)
დაბადების თარიღი:1890
გარდაცვ. თარიღი:1945  (55 წლის ასაკში)
კატეგორია:მწერალი

ბიოგრაფია

დაბადების ადგილი: სოფ. დიმი, ახლანდელი ბაღდათის რაიონი.

დაამთავრა ხარკოვის უნივერსიტეტის ფილოლოგიის ფაკულტეტი, რევოლუციური მუშაობისათვის ბაქოში გადაასახლეს. 1915-1917 მასწავლებლობდა იქაურ გიმნაზიაში, 1917-1933 წლებში მუშაობდა ქუთაისის ქალთა გიმნაზიაში, 1933-1937 კი, ქუთაისის პედაგოგიურ ინსტიტუტში. 1933-1934 იყო ქუთაისის თეატრის დირექტორი. პირველი წიგნი - ნოველებისა და ლეგენდების კრებული "შემოდგომის ცრემლები"- 1918 წელს გამოქვეყნდა. დ. ჩხეიძის ძირითადი ნაწარმოები რომანი "გიონ დარანა"- 1929 წელს გამოვიდა. 1933 წელს გამოსცა პროზაული კრებული "ორბი". თავკაცობდა ქუთაისის ლიტერატურულ ცხოვრებას. დ. ჩხეიძეს ეკუთვნის პიესები: "ურაგანი", "ბეთქილი", "ბაილი", "ნაირმალი".

ორგანიზაციის, ასოციაციის ან ჯგუფის წევრი

  • საქართველოს საბჭოთა მწერლების ფედერაცია, ქუთაისის განყოფილების თავმჯდომარე (1928-1932)
  • საქართველოს მწერალთა კავშირი, ქუთაისის განყოფილების თავმჯდომარე (1926-1928)
  • საქართველოს საბჭოთა მწერლების კავშირი, ქუთაისის განყოფილების თავმჯდომარე (1932-1937)

ბიბლიოგრაფია

  • გიონ დარანა : რომანი, ნოველები, მოთხრობები (ავტორი). - თბილისი, საბჭ. საქართველო, 1970. - 311გვ.
  • თადუმა (ავტორი). - თბილისი, ნაკადული, 1969. - 15გვ.
  • შემოდგომის ცრემლები : ნოველები და ლეგენდები (ავტორი). - ქუთაისი, გამომცემელი ტუტკუ გვარამია, 1918. - 80გვ.

გააზიარე: