გიორგი მჭედლიშვილი

დაბადების ადგილი: ქ. სიღნაღი.

დაამთავრა თბილისის სახელმწიფო უნივერსიტეტის ისტორიის ფაკულტეტი 1979 წელს. 

1983 წლიდან ლექციების კურსს კითხულობდა სხვადასხვა უმაღლეს სასწავლებელში, როგორც ბაკალავრიატის, ისე მაგისტრატურის სტუდენტებთან; 1990-1991წწ. ერთწლიანი სამეცნიერო მივლინებით იმყოფებოდა საბერძნეთში, ათენის უნივერსიტეტში, სადაც მუშაობდა XI-XII საუკუნეების ქართულ-ბიზანტიურ პოლიტიკურ-კულტურულ ურთიერთობათა ისტორიაზე; დამთავრული აქვს საქართველო-საბერძნეთის საზოგადოებრივ-ჰუმანიტარული აკადემია "ტასის დემოკრატის" ევროსაბჭოს პროგრამით, ჟურნალისტის სპეციალობით; სხვადასხვა დროს  ხელმძღვანელობდა სტუდენტურ ექსპედიციებს; 1999-2001წწ. მონაწილეობდა ბუდაპეშტში ევროპის ცენტრალური უნივერსიტეტის პროგრამებში; 2003 წელს მონაწილეობდა ისრაელში მაშავის პროგრამით გამართულ "უმაღლესი განათლების" კურსებზე. ავტორია 60-ზე მეტი სამეცნიერო ნაშრომისა და თითქმის ამდენივე საგაზეთო წერილის; მუშაობდა კავკასიისა და ტექნიკურ უნივერსიტეტებში სრული პროფესორის თანამდებობაზე; საქართველოში ისტორიულ კულტუროლოგიაში ერთ-ერთ პირველს მიენიჭა ისტორიის მეცნიერებათა დოქტორის ხარისხი. კულტუროლოგი, ისტორიის მეცნიერებათა დოქტორი (2002).

საკანდიდატო დისერტაციის თემა - "საქართველოს ისტორიის სახელმძღვანელოს პრობლემა", დაიცვა 1983 წელს; სადოქტორო დისერტაციის თემა - "შუა საუკუნეების ქართული პოლიტიკური აზრი და "ვეფხისტყაოსანი", დაიცვა 2002 წელს. 

• მითების ტყვეობაში (ავტორი). - თბილისი, 2012. - 42გვ.. - ISBN: 978-9941-0-4960-6
• ქართველი ქალის ფენომენი (თანაავტორი) // კრებული: "მსოფლიო და გენდერი". - თბილისი, საქართველოს ტექნიკური უნივერსიტეტის ბიზნეს-ინჟინერინგის გენდერული თანასწორობის კვლევითი ცენტრი, 2012. - გვ.148-156
• ქართული კულტურის ცივილიზაციური კუთვნილება : კულტუროლოგია, სახელმძღვანელო ავტორთა (ავტორი). - თბილისი, სტუ ჰუმანიტარულ-სოციალური ფაკულტეტის საზოგადოებრივ მეცნიერებათა დეპარტამენტი, 2010. - 426გვ.
• ქართული პარლამენტარიზმის სათავეებთან (ავტორი). - თბილისი, ლეგა, 2005. - 32გვ.
• რუსთაველის, თამარ მეფისა და რუსუდანის საფლავების სავარაუდო ადგილსამყოფელის შესახებ (ავტორი). - თბილისი, ლეგა, 2005. - 40გვ.
• ქართული კულტურის პარადიგმა (ავტორი). - თბილისი, ლეგა, 2004. - 64გვ.. - ISBN: 99940-727-8-1
• შუა საუკუნეების ქართული პოლიტიკური აზრი და "ვეფხისტყაოსანი" (ავტორი). - თბილისი, მეცნიერება, 2000. - 240გვ. . - ISBN: 99 928–51–70-8