თამაზ ბიბილური

დაბადების ადგილი: სოფელი ვაჩნაძიანი, გურჯაანის რაიონი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტის ჟურნალისტიკის განყოფილება 1956 წელს.

თავდაპირვრლად მუშაობდა გაზეთში "ახალგაზრდა კომუნისტი", 1974 წლიდან სიცოცხლის ბოლომდე - გაზეთ "ლიტერატურული საქართველოს" მთავარი რედაქტორის მოადგილედ. მისი სამწერლო დებიუტი შედგა 1957 წელს ჟურნალში "ცისკარი", სადაც მისი პირველი მოთხრობები გამოქვეყნდა. 1973 წელს გამოიცა მწერლის პირველი წიგნი - ნარკვევებისა და მინიატურების კრებული, შემდე მოთხრობების კრებული: "ნიღაბი", რომანები: "ჟამი კითხულისა", "მთვარის შვილი", "ჩივილი", რომანი: "შვიდი ხმისა და ტოროლასათვის", ბოლოს კი საყმაწვილო წიგნი: "წელიწადის დრონი" (1989). მისი პიესები "ვიღაც მეძახის" და "მთვარიანი ღამის სტუმრები" წარმატებით იდგმებოდა რესპუბლიკის თეატრის სცენებზე. თამაზ ბიბილურის ნაწარმოებები თარგმნილია და გამოცემულია უცხო ენებზე, მისი ნაწარმოებების მიხედვით გადაღებულია მხატვრული ფილმები. ჟურნალისტ თიურა ვაშაძის მეუღლე.

წყარო: მამულიშვილთა სავანე/ ბაბუნაშვილი ზ., ნოზაძე თ. - თბ., 1994. - გვ.86; დიდუბის პანთეონი=Didube pantheon/ბადრი ქუთათელაძე. -თბ., 2025.-გვ.77

• 1992 - საქართველოს სახელმწიფო პრემია
  წელიწადის დრონი/თამაზ ბიბილური.- თბილისი: ნაკადული, 1989. - 341გვ.

• მწერლობა : წერილები, პორტრეტები, შტრიხები (ავტორი). - თბილისი, მერანი, 2011. - 576გვ.. - ISBN: 978-9941-9224-6-6
• წელიწადის დრონი : უმცრ. სასკ. ასაკ. ბავშვებისათვის (ავტორი). - თბილისი, ნაკადული, 1989. - 341გვ.
• მცირე სარკმელი : ლიტ. წერილები (ავტორი). - თბილისი, მერანი, 1988. - 302გვ.
• ჟამი კითხულისა; ჩივილი; შვიდი ხმისა და ტოროლასათვის (ავტორი). - თბილისი, საბჭ. საქართველო, 1987. - 716გვ.
• მთვარის შვილი : რომანი და მოთხრობები (ავტორი). - თბილისი, საბჭ. საქართველო, 1981. - 531გვ.