
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

იოსებ გრიშაშვილი

Legal name:	იოსებ მამულაშვილი
Other name:	გრიშაშვილი (Pseudonym)
Date of birth:	24 April, 1889
Date of death:	3 August, 1965 (at 76 years)
Burial location:	მთაწმინდის პანთეონი, თბილისი
Category:	Poet

Biography

დაბადების ადგილი: ქ. თბილისი.

ჭაბუკობიდანვე დაუახლოვდა ქართულ თეატრს. იყო სუფლიორი, მსახიობი, წერდა პატარა პიესებსა და ლექსებს. სცენა მომავალი პოეტისათვის თეატრალური და ლიტერატურული განათლების სკოლად იქცა. იოსებ გრიშაშვილი სამწერლო ასპარეზზე 1905 წელს გამოვიდა. სცენის საკარნახო ნიჟარიდან იოსებმა ჟურნალ "ნიშადურში" გადაინაცვლა. იმ დღიდან საბოლოოდ დაუკავშირა თავისი ბედი მწერლობას და პოეზიას. 1919 წელს, როგორც თავისუფალი მსმენელი, ლექციებს ისმენს თბილისის უნივერსიტეტში. სწავლის პარალელურად ი. გრიშაშვილი ნაყოფიერ შემოქმედებით და საზოგადოებრივ შრომას ეწევა. გრიშაშვილი XX საუკუნის ქართული ვერსიფიკაციის ერთ-ერთი რეფორმატორია; მისი ლექსების ორიგინალური რიტმი და რითმა, შთამბეჭდავი პოეტური ტროპები, ოსტატური ბგერწერა ზედმიწევნით გამოხატავს პოეტის იდეურ ჩანაფიქრს. გრიშაშვილმა დიდი ამაგი დასდო ქართული საბავშვო ლიტერატურის განვითარებას. მის პოეზიაში წამყვანი ადგილი უკავია სატრფიალო ლირიკას. იოსებ გრიშაშვილის შემოქმედების ქვაკუთხედი მაინც თბილისის თემაა. პოეტმა თბილისს მრავალი ლექსი და გამოკვლევა უძღვვნა. პოეტის თქმით, თბილისი იყო მისი ლექსების შთამაგონებელი: "თბილისის მეზვრე დავრჩები მუდამ სიყვარულიდან სიყვარულამდე".

გრიშაშვილს ეკუთვნის საყურადღებო ლიტერატურული გამოკვლევები: "საიათნოვა" (1914-1918); "ძველი თბილისის ლიტერატურული ბოჰემა" (1926-1927), ნაშრომები ა. ჭავჭავაძის, ი. ჭავჭავაძის, ა. ყაზბეგის, მ. ლერმონტოვისა და სხვა მწერლების შესახებ. თარგმნა სომხური და აზერბაიჯანული ლიტერატურის ბევრი კლასიკური ნიმუში, ანა ახმატოვას, სერგეი მიხალკოვის, სტეფანე შჩიპაჩოვის, ვერა ინბერისა და სხვების ლექსები. ი. გრიშაშვილი ბავშვობიდანვე უყრის საფუძველს საკუთარ უნიკალურ წიგნსაცავს. აღნიშნული უნიკალური წიგნსაცავი და სამუზეუმო რელიკვიები, პოეტის ანდერძის თანახმად, უსასყიდლოდ გადაეცა საქართველოს მეცნიერებათა აკადემიას.

წყარო: ქართული საბჭოთა ენციკლოპედია: ტ. 3 .- თბ., 1979.- გვ.275; ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.99-100

Member of Organizations

საქართველოს სსრ მეცნიერებათა აკადემია, აკადემიკოსი (1947-1965)

Awards and Honors

1959 - საქართველოს სახალხო პოეტი
1950 - სსრკ სახელმწიფო პრემია
1945 - სომხეთის სსრ ხელოვნების დამსახურებული მოღვაწე
შრომის წითელი დროშის ორდენი

Bibliography

ჩემი აღმართი : ლექსები (Author). - თბილისი, მერანი, 1989. - 293გვ.
ძველი თბილისის ლიტერატურული ბოჰემა (Author). - ბათუმი, საბჭ. აჭარა, 1986. - 203გვ.
გულის საგანძურიდან : ლექსები (Author). - თბილისი, ნაკადული, 1965. - 129გვ.
თეატრალური წერილები (Author). - თბილისი, ხელოვნება, 1960. - 167გვ.
ერთტომეული : ლექსები (Author). - თბილისი, საბჭ. მწერალი, 1955. - 676გვ.
საიათნოვა : მონოგრაფია (Author). - ტფილისი, ის. სტურუას გამოცემა, 1918. - 135გვ.