სევერიან ისიანი

დაბადების ადგილი: სოფელი ზოგიში, ცაგერის რაიონი.

დაამთავრა ქუთაისის ა. წულუკიძის სახელობის პედაგოგიური ინსტიტუტი 1937 წელს.

მისი პირველი ლექსები დაიბეჭდა 1930 წელს ქუთაისში გაზეთ "მუშა და კოლმეურნეში". პირველი კრებული გამოივიდა 1940 წელს. 1939 წლის შემოდგომაზე სევერიან ისიანი გაიწვიეს საბჭოთა არმიის რიგებში, სადაც მოუსწრო მეორე მსოფლიო ომმა. შემოქმედებითი მუშაობა მწერალს სიკვდილამდე არ შეუწყვეტია. იგი ფრონტიდან გზავნიდა ლექსებსა და ოპტიმისტური შინაარსის წერილებს. ს. ისიანის ნარკვევი "საუბარი ფრონტელ მეგობართან" და ოცი კერძო ბარათი დ.  კვრიკველიასადმი ინახება ქუთაისის ისტორიულ-ეთნოგრაფიულ მუზეუმში. 1957 წელს გამოქვეყნდა მისი ლექსების კრებული "ყველაფერს ვხედავ"; მისი ლექსები  თარგმნილია რუსულ ენაზე.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.- გვ.171-172

• მწერალთა კავშირის ქუთაისის განყოფილება , პასუხისმგებელი მდივანი (1932-1934)

• შეხვედრა ქართან (ავტორი). - ქუთაისი, საბჭ. საქართველო, ქუთაისის ფილიალი, 1981. - 77გვ.
• ყველაფერს ვხედავ : ლექსები (ავტორი). - თბილისი, საბჭ. მწერალი, 1957. - 103გვ.