ნატო დავითაშვილი

დაბადების ადგილი: ქ.თბილისი.

მიღებული აქვს ტექნიკური განათლება 1980-იანი წლების ბოლოს გამოთვლით ცენტრში პროგრამისტ-ინჟინრად მუშაობდა, პარალელურად ლექციებს კითხულობდა. 90-იან წლებში ნ. დავითაშვილი საგამომცემლო-პოლიგრაფიულ სფეროში ინაცვლებს. ამავე წლებშია გამოქვეყნებული მისი პირველი პუბლიკაცია, თუმცა ნამდვილი სამწერლო მოღვაწეობა წიგნის "ამბავი ლილე იროელისა" გამოქვეყნებით იწყება, რომელზეც მწერალი სამი წელი მუშაობდა. ნ. დავითაშვილი ფენტეზის ჟანრში წერს. მისი სტილი ეპიკურია, თხრობა - დინამიური. წიგნებში თანაბრადაა წარმოდგენილი როგორც ღრმა ფაქტობრივ ცოდნაზე დამყარებული მითოლოგიური თუ ეთნოგრაფიული რეალიები, ასევე ნებაზე მიშვებული ფანტაზია, რომელიც დროდადრო წარმოუდგენელ სიუჟეტებს გვთავაზობს. მისი ყველა წიგნი ერთი დიდი საგის ნაწილია, ყოველი ახალი წიგნი უფრო და უფრო მეტად მუხტავს მკითხველს და ახლის წაკითხვის დაუოკებელ სურვილს ბადებს.

წყარო: მოსწავლე ახალგაზრდობის ეროვნული სასახლე: საბავშვო მწერლები: tsignipedia.ge

• 2012 - თბილისის საკრებულოს ლიტერატურული პრემია "გალა", ნომინანტი
  ოთხი მხარე და ოთხი სვეტი/ნატო დავითაშვილი
• 2011 - თბილისის საკრებულოს ლიტერატურული პრემია "გალა", გამარჯვებული
  ნისლებში და ნისლებს მიღმა: რომანი/ნატო დავითაშვილი. - თბილისი, ლოგოს პრესი, 2011. - 317გვ.
• 2009 - თბილისის საკრებულოს ლიტერატურული პრემია "გალა", ნომინანტი
  როცა ფრთოსანი ლომები დაბრუნდებიან/ნატო დავითაშვილი თბილისი, ქარჩხაძის გამომცემლობა, 2009. - 318გვ.
• 2008 - საბავშვო პროზის ლიტერატურული კონკურსი "ოქროს ბუმბული"
  როცა ფრთოსანი ლომები დაბრუნდებიან/ნატო დავითაშვილი თბილისი, ქარჩხაძის გამომცემლობა, 2009. - 318გვ.

• ოთხი მხარე და ოთხი სვეტი (ავტორი). - თბილისი, ქარჩხაძის გამომცემლობა, 2012
• ნისლებში და ნისლებს მიღმა : რომანი (ავტორი). - თბილისი, ლოგოს პრესი, 2011. - 317გვ.. - ISBN: 978-9941-418-28-0
• როცა ფრთოსანი ლომები დაბრუნდებიან (ავტორი). - თბილისი, ქარჩხაძის გამომცემლობა, 2009. - 318გვ.. - ISBN: 978-99940-34-05-5
• ამბავი ლილე იროელისა : რომანი (ავტორი). - თბილისი, ბაკურ სულაკაურის გამომცემლობა, 2007. - 380გვ.. - ISBN: 978-99940-63-74-1