დავით ერისთავი

დაბადების ადგილი: გორის რაიონი, სოფელი ხიდისთავი.

1867-1871წწ. სწავლობდა ჯერ ოდესის უნივერსიტეტში, შემდეგ პეტერბირგის სამედიცინო აკადემიაში, რომელიც არ დაუსრულებია. 1871 წლიდან ის თანამშრომლობდა გაზეთებში- "დროებაში", "ტიფლისსკი ვესტნიკსა" და "ფალანგაში". 1882 წლიდან დავით ერისთავი  გაზეთ "კავკაზს" რედაქტორობდა. სალიტერატურო მოღვაწეობა მან ლექსებითა და ფელეტონებით დაიწყო. იგი იყო "ვეფხისტყაოსნის" ტექსტის დამდგენი კომისიის წევრი და ქართული დრამატული საზოგადოების ერთ-ერთი ინიციატორი. დ. ერისთავმა თარგმნა და გადმოაკეთა მრავალი დრამატული ნაწარმოები. განსაკუთრებული პოპულარობა მოიპოვა მისმა ისტორიულმა პიესამ "სამშობლო". "სამშობლოს" წარმოდგენამ (1882 წლის 20 იანვარს) ეროვნული მანიფესტაციის ხასიათი მიიღო.

• სამშობლო : დრამა 5 მოქმედებად და 7 სურათად (ავტორი). - თბილისი, საბჭ. მწერალი-ს გამ-ბა და სტ., 1947. - 83გვ.
• თავ. დავით ერისთავის დრამატიული ნაწერები (ავტორი). - თბილისი, ქართულ დრამატიულ საზოგადოების გამოცემა, 1910. - 467გვ.