გიორგი ბარათაშვილი

მოღვაწეობდა XIX საუკუნის 50-60-იან წლებში. მისი თხზულებები იბეჭდებოდა ჟურნალ "ცისკარში". 1853 წელს გამოაქვეყნა რუსულიდან თარგმნილი "მღვიმე სასაფლაოს იქით" ("ცისკარი", № 4). 1860 - "იშვიათი ამბავი" (იქვე, № 12). გ. ბარათაშვილი გამოეხმაურა ილია ჭავჭავაძის წერილს "ორიოდე სიტყვა თავად რევაზ შალვას ძის ერისთავის კაზლოვიდგან "შეშლილის" თარგმანზედა" სტატიით "წერილი რედაქტორთან" ("ცისკარი", 1861, № 5-6), რომელშიც შეეცადა გაეკრიტიკებინა ილიას შეხედულებანი "მამათა" ლიტერატურულ-ესთეტიკის პოზიციიდან ("მამებისა" და "შვილების" ბრძოლა).

წყარო:  ქართული საბჭოთა ენციკლოპედია, ტ. 2. -თბ., 1977 . -გვ. 198

• წერილი რედაქტორთან : ილია ჭავჭავაძის კრიტიკის გამო კოზლოვის "შეშლილის" ერისთავის თარგმანზე (ავტორი) // ცისკარი N5. - თბილისი, 1861. - გვ.70-81
• მღვიმე სასაფლაოს იქით : მოთხრობა (მთარგმნელი) // ცისკარი 1853, N4. - თბილისი, 1853. - გვ.27-56