გაბრიელ მცირე

ქართველი საეკლესიო მოღვაწე, მწერალი და კალიგრაფი, ბერად იყო დავით გარეჯის იოანე ნათლისმცემლის მონასტერში 30 წელი. მას მოთარეშე ლეკებმა მოკვეთეს თავი.  მან შეადგინა რამდენიმე ლიტურგიკულ-ზნეობრივი ხასიათის კრებული: " მღდველმთავრისა ლიტურღიისა განმარტებაჲ სახისმეტყუელებითი, ვითარებად ყოველსავე მღვდელმოქმედებასა მისსა საიდუმლოებით ძალი უპყრიეს", "მეექვსე მსოფლიო კრების სჯულის კანონისათვის",  "სულიერნი თხრობანი სულთა ღმრთისმოყვარეთანი", "ცხოვრება და მოღვაწეობა ღირსისა მამისა ჩვენისა საქმოსან ონოსიფორესი", "მოკლე მოთხრობა პროფირისათვის". გაბრიელ მცირეს ორიგინალური მემუარული თხზულებანი თავმოყრილია ხელნაწერ კრებულში, რომელსაც "ჯვარშემოსილი" ეწოდება (დაცულია ბოდლის ბიბლიოთეკაში, მარჯორი უორდროპის ფონდში). ყოველი კრებულის სათაურსა და შემადგენელი თავების რაოდენობას სიმბოლური მნიშვნელობა აქვს. საქართველოს მართლმადიდებელმა სამოციქულო ეკლესიამ იგი წმინდანად გამოაცხადა.

• წმიდათა შორის მამისა ჩვენისა იოვანე ოქროპირისა თქმულთაგან ღვთივსულიერნი სწავლანი, რომელსა ეწოდების კლიტე (ავტორი). - თბილისი, 2011. - 200გვ.
• ღვთივსულიერნი თხრობანი სულთა ღვთისმოყუარეთა ფრიად სარგებელნი (ავტორი). - თბილისი, ნათლისმცემელი, 2002. - 87გვ.