ვაჟა გიგაშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1961 წელს.

მონაწილეობდა მრავალ ეთნოგრაფიულ, ალპინისტურ და ზოოლოგიურ ექსპედიციებში: კავკასიონზე, ჩრდილოეთის ზღვებზე, კოლის ნახევარკუნძულზე, შუა აზიაში, ტიან-შანსა და პამირზე. 1953-1954წწ. ჟურნალ "დილაში" იბეჭდებოდა მისი პატარა მოთხრობების სერია ცხოველებსა და ფრინველებზე. ზოგი მათგანი შეტანილია უმცროსკლასელთა სახელმძღვანელოებში. 1957 წელს ჟურნალ "ცისკრის" პირველ ნომრისათვის წარდგენილი მოთხრობა "დღე და ჟამი" არ დაიბეჭდა საბჭოური ცენზურის გამო. 1970 წლიდან სისტემატურად იბეჭდებოდა ქართულ ჟურნალ-გაზეთებში - "ცისკარი", "მნათობი", "ლიტერატურული საქართველო", "XX საუკუნე", "ქომაგი", ასევე რუსული თარგმანები - "ლიტერატურნაია გრუზიასა" და "დრუჟბა ნაროდოვში". 1971 წლიდან მუშაობდა კინოსტუდია "ქართულ ფილმში,"  "მწერალთა კინო-გაერთიანებაში". 1991-1994წწ. იყო გაზეთ "მამულის", 1999-2003წწ. "განახლებული ივერიის" მთავარი რედაქტორი. ვ. გიგაშვილი არის თორმეტი მხატვრული ფილმის სცენარის ავტორი, მათ შორის ფილმებისა: "ანთიმოზ ივერიელი" და "ამბავი სურამის ციხისა". გადაღებულია ფილმებში: "იმედის მწვანე კუნძული" (1978) და "ნიკა მთაში" (1979). გამოცემული აქვს მოთხრობების რამდენიმე კრებული. იგი არის თორმეტი მხატვრული ფილმის სცენარის ავტორი. მიღებული აქვს ლიტერატურული ჯილდო "პენ-კლუბის ოქროს მედალი".

წყარო: პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.183

• 2014 - პრემია "საგურამო"

• ერთი ვინმე ყაფლანიშვილი : რომანი (ავტორი). - თბილისი, პალიტრა L, 2010. - 304გვ.
• ნადირობა ჩონ-ტაშში : დოკუმენტური მოთხრობა (ავტორი). - თბილისი, 2009. - 128გვ.
• თბილი ლოგინი და ცივი ღამე (ავტორი). - თბილისი, მერანი, 2006. - 48გვ.
• დღე და ჟამი : მოთხრობები (ავტორი). - თბილისი, მერანი, 1987. - 262გვ.