ალექსანდრე ალადაშვილი

დაბადების ადგილი: სოფელი არბოშიკი, დედოფლისწყაროს მუნიციპალიტეტი.

დაამთავრა იურიევის (ტარტუ) უნივერსიტეტის სამედიცინო ფაკულტეტი 1904 წელს.

1919 აირჩიეს სიმფეროპოლის უნივერსიტეტის სამედიცინო ფაკულტეტის ფარმაკოლოგიის კათედრის გამგედ, 1919-1921წწ. მუშაობდა თბილისის სახელმწიფო უნივერსიტეტის სამკურნალო ფაკულტეტის შინაგან სნეულებათა დიაგნოსტიკის კათედრის გამგედ. 1921-1924წწ. იყო სამკურნალო ფაკულტეტის დეკანი, 1921-1950წწ. საფაკულტეტო თერაპიის კათედრის გამგე (ჯერ თსუ-ში, შემდეგ - სამედიცინო ინსტიტუტში). მრავალი წლის მანძილზე იყო სამედიცინო ინსტიტუტის სამკურნალო ფაკულტეტის დეკანი. მედიცინის მეცნიერებათა დოქტორი (1911), პროფესორი (1919). აქტიურად მონაწილეობდა საქართველოში კურორტოლოგიის, ტუბერკულოზისა და პროფესიული დაავადებათა ინსტიტუტების და სასწრაფო დახმარების საავადმყოფოს დაარსებაში. წლების მანძილზე ხელმძღვანელობდა თბილისის II საავადმყოფოს, რომელსაც შემდგომ მისი სახელი მიეკუთვნა. მისი მეცნიერული ნაშრომები უმთავრესად ეხება საქართველოს საკურორტო რესურსებისა და ადგილობრივი ნედლეულისაგან დამზადებული პრეპარატების სამკურნალო მიზნით გამოყენების საკითხებს.

სადოქტორო დისერტაციის თემა - "ბორჯომის მინერალური წყლის ფიზიოლოგიური მოქმედების საკითხისათვის", დაიცვა 1911 წელს ქ. ხარკოვში.

წყარო: ქართული საბჭოთა ენციკლოპედია: ტ.1.-თბ.,1975.-გვ.259-260; ქართველ მოღვაწეთა ლექსიკონი:1801-1952: ტ.I .-თბ.,2018.-გვ.98

• საქართველოს თერაპევტთა საზოგადოება, ერთ-ერთი დამაარსებელი და თავმჯდომარე (1940-1950)
• საქართველოს მეცნიერებათა აკადემია, აკადემიკოსი (1946-1950)
• საქართველოს სსრ ჯანდაცვის სმინისტროს სამედიცინო საბჭო, თავმჯდომარე (1937-1950)

• 1941 - საქართველოს მეცნიერებათა დამსახურებული მოღვაწე
• შრომის წითელი დროშის ორდენი

• რჩეული ნაშრომები (ავტორი). - თბილისი, მეცნიერება, 1967. - 384გვ.
• კლინიკური რეცეპტები (ავტორი). - თბილისი, საქმედგამი, 1949. - 256გვ.
• რეცეპტურა სახელმძღვანელო მედინსტიტუტებისათვის (ავტორი). - ტფილისი, სახელგამის სამეც. ლიტერატ. სექტორი, 1935. - 190გვ.
• ბორჯომის მადნეული წყლის გავლენა კუჭის სეკრეციაზე (ავტორი). - ტფილისი, სახელგამი, 1931. - 9გვ.