სოსო მჭედლიშვილი

 დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი თეორიული ფიზიკის სპეციალობით 1975 წელს; კინემატოგრაფიის საკავშირო სახელმწიფო ინსტიტუტი (ვგიკ, მოსკოვი), კინოდრამატურგის სპეციალობით 1986 წელს.

1979-1981წწ. სტაჟირება გაიარა მეცნიერების პროგნოზირების განყ-ში სსრკ მეცნიერებათა აკადემიის ეკონომიკური მათემატიკის ცენტრალურ ინსტიტუტში (ЦЭМИ АН СССР) მოსკოვი; 1996-1997წწ. კულტურის პოლიტიკის დარგში – საფრანგეთის საგარეო საქმეთა და კულტურის სამინისტროების, იუნესკოს საფრანგეთის კომისიის ერთობლივ " Formation Internationale Culture "-ში(პარიზი); 1997 წელს - ARTE, ფრანგულ-გერმანული ტელეარხი - სტაჟირება თემატური გადაცემის "თჰემა-ს" რედაქციაში(სტრასბურგი). 1992 წლიდან კითხულობს ლექციებს კინოდრამატურგიაში ილია ჭავჭავაძის სახელობის უნივერსიტეტში, 1991-1993წწ.  ხელოვნების აკადემიაში, 1989-1992წწ. თბილისის თეატრისა და კინოს სახელმწიფო ინსტიტუტში, 1987-1992წწ.  თბილისის სახელმწიფო უნივერსიტეტში. 1996-1997წწ. იგი არის  საქართველოს სკაუტების ორგანიზაციის წარმომადგენელი დასავლეთ ევროპაში. ი. მჭედლიშვილი არის მრავალი დოკუმენტური და მოკლემეტრაჟიანი მხატვრული ფილმის სცენარის ავტორი. წლების მანძილზე თანამშრომლობს სხვადასხვა ქართულ და რუსულენოვან ჟურნალებთან და გაზეთებთან. არის კულტურისა და კულტურის პოლიტიკის სფეროში მრავალი პროექტის ავტორი და თანაავტორი.

• რეგისტრირებული კავშირი "სახიერი საქართველო", პრეზიდენტი (2002-2004)

• 2006 - ჟურნალი "სენატორი" (რუსეთი) სამამულო ომის დასრულების მე-60 წლისთავისადმი მიძღვნილი სალიტერატურო კონკურსი (პრიზი)
  მოთხრობა ''ინტერმეცო''
• 2006 - ლიტერატურული პორტალი "ლიტკონკურსი" , თეატრალური პიესისათვის (სპეციალური პრიზი)
  მოთხრობა "მუზეუმის მცველი"
• 1998 - მე-9 არხის მიერ გამართული კონკურსი (პირველი პრიზი)
  ტელესერიალის პროექტი ''ბურდო"
• 1997 - სტუდია "ადამ და ევას" მიერ გამართული კონკურსი, მხატვრული ფილმის სცენარი "ელისეს მინდვრები" (პრიზი)
• 1984 - ცენტრალური სასცენარო სტუდია(მოსკოვი) , მხატვრული ფილმის სცენარი "ჩემი მეგობარი სამსონი" (პრიზი)
• ჟურნალ "კინოსცენარი"-ს მიერ გამართული კონკურსი(მოსკოვი), მხატვრული ფილმის სცენარი "ელისეს მინდვრები" (პრიზი)

• ზონაზე : ორმოქმედებიანი პიესა (თანაავტორი). - თბილისი, საარი, 2006. - 107გვ.
• კომედია დრამატურგიაში (ავტორი). - თბილისი, ნეკერი, 1998. - 104გვ.