მიხეილ ასათიანი

დაბადების ადგილი: სოფელი ბაკურციხე, გურჯაანის რაიონი.

დაამთავრა ყაზანის სასულიერო აკადემია 1874 წელს.

მუშაობდა მასწავლებლად ქუთაისის სასულიერო სასწავლებელში. დიდი მონაწილეობა მიიღო ქართველ ხალხოსანთა ჟურნალ "იმედის" დაარსებაში და მისი პირველი რედაქტორიც უნდა ყოფილიყო, ტრაგიკულად რომ არ დაღუპულუყო. 1881 წლიდან ასათიანის თხზულებები იბეჭდებოდა ჟურნალ "იმედში". მის ლექსებში, მოთხრობებსა და საჟურნალო ფელეტონებში ასახულია ხალხოსანი ახალგაზრდობის მისწრაფებანი და იდეალები, დაბალი სოციალური ფენების უუფლებობა, აგრეთვე ქართველი ინტელიგენციის მისწრაფება ეროვნული ძალების კონსოლიდაციისაკენ ("შიკრიკი", "მტკვრის ბაასი რიონთან", და სხვა). ავტორია ავტობიოგრაფიული მოთხრობისა "მე და ონისიმე". ცნობილი ფსიქიატრის - მიხეილ ასათიანის მამა.

წყარო: ქართველ მოღვაწეთა ლექსიკონი:1801-1952: ტ.I .-თბ.,2018.-გვ.213

• მტკვრის ბაასი რიონთან : პოემა (ავტორი). - თფილისი, ექ. ხელაძის სტ, 1881. - 30გვ.