ქრისტეფორე არეშიძე

დაბადების ადგილი: ქ. ცხინვალი.

დაამთავრა თბილისის სახელმწიფო უნივერსიტეტი 1931 წელს.

იყო საქართველოს მეცნიერებათა ფიზიკური და ორგანული ქიმიის ინსტიტუტის ლაბორატორიის გამგე და თბილისის სახელმწიფო უნივერსიტეტის პროფესორი. საფუძველი ჩაუყარა საქართველოში ნავთობის ქიმიური და ორგანული კატალიზის განვითარებას. აღმოაჩინა ალკოლციკლოპენტენური ნახშირწყალბადების იზომერიზაციის ახალი რეაქცია. შეიმუშავა გოგირდიანი ნავთობპროდუქტების განგოგირდების ორიგინალური მეთოდი და ახლებურად ახსნა ნავთობის თანმხლებ წყლებსა და აირებში გოგირდწყალბადის არსებობა. გუმბრინის ბაზაზე მოამზადა ნიკლის, ქრომისა და სხვა ლითონების კატალიზატორები, რომელთაგან ზოგიერთი ქიმიურ და კვების მრეწველობაში დაინერგა. ერთ-ერთმა პირველმა დაიწყო ყოფილ სსრკ-ში სინთეზური ცეოლითების კატალიზური თვისებების შესწავლა.

წყარო: საქართველო : ენციკლოპედია: ტ. 1.-თბ.,1997.-გვ. 194

• საქართველოს მეცნიერებათა აკადემია, წევრი (1969-)
• საქართველოს მეცნიერებათა აკადემია, წევრ-კორესპონდენტი (1961-)

• 1974 - პეტრე მელიქიშვილის სახელობის პრემია
• 1962 - საქართველოს მეცნიერებათა დამსახურებული მოღვაწე
• შრომის წითელი დროშის ორდენი

• ზელინსკის შემოქმედებითი გზა : მონოგრაფია ორგანული ქიმიის სპეციალისტზე (ავტორი). - თბილისი, მეცნიერება, 1979. - 266გვ.
• ნ. ტეტრადეკანის თერმული დაშლა (თანაავტორი) // საქართველოს სსრ მეცნიერებათა აკადემიის მოამბე, ტ. 38. - თბილისი, 1965. - გვ.77-84
• ციკლოჰექსანოლის დეჰიდრატაცია გუმბრინით და ასკანიტით (თანაავტორი) // თბილისის სახელმწიფო უნივერსიტეტის შრომები, ტ. 33. - თბილისი, 1949. - გვ.57-59
• საქართველოს ნავთობების ქიმიური შედგენილობის შესწავლა. II. სუფსის ნავთობის არომატული ნახშირწყალვადევის გამოკვლევა (თანაავტორი) // ქიმიის ინსტიტუტის შრომები, ტ. 9. - თბილისი, 1948. - გვ.135-141
• მირზაანის ნავთობის ქიმიური შემადგენლობა (თანაავტორი) // საქართველოს სსრ მეცნიერებათა აკადემიის მოამბე, ტ. 3. - თბილისი, 1942. - გვ.131-135