დავით ტაკიძე

დაბადების ადგილი: სოფელი შემოქმედი, ოზურგეთის რაიონი.

დაამთავრა საქართველოს ტექნიკური უნივერსიტეტის სამოქალაქო და სამრეწველო მშენებლობის ფაკულტეტი 1975 წელს.

1975-1985წწ. მუშაობდა ოზურგეთის საპროექტო ბიუროში ინჟინრად. 1985-1988წწ. იყო ოზურგეთის კულტურის სასახლის დირექტორი. 1986-1989წწ. ეწეოდა პედაგოგიურ საქმიანობას. 1990 წლიდან საცხოვრებლად გადადის თბილისში. სხვადასხვა წლებში იყო: გამომცემლობა "ეროვნული მწერლობისა" და ჟურნალ "ლიტერატურა და ხელოვნების" რედაქტორი. გაზეთ "ივერიის" თანარედაქტორი. სრულიად საქართველოს რუსთაველის საზოგადოების ლიტერატურული ურთიერთობების ხელმძღვანელი. საქართველოს მწერალთა კავშირის უფროსი ლიტერატურული კონსულტანტი. არის სრულიად საქართველოს რუსთაველის საზოგადოების თანადამფუძნებელიაკაკი ბაქრაზესა და მურმან ლებანიძესთან ერთად და გამომცემლობა "დავითის" დირექტორი. გამოცემული აქვს წიგნები: "სიმაღლე" (პოეზია, 1981), "დუმილის ხმა" (პოეზია, 1985), "ჩემი წილი ცა" (პოეზია, 1986), "გახუნებული პეიზაჟები" (პოეზია, 1990), "ტაძართან" (პოეზია, 1990), "რას ტვიფრავ სულზე" (პოეზია, წერილები,1997), "ჩემს სამშობლოში მე − ემიგრანტი" (პოეზია, 2000), "სიტყვებს მიღმა" (პოეზია, პროზა, წერილები, 2006), "რატომ ტირიან ჩიტები ზამთარში" (პროზა, 2009), "ხსოვნის ანაბეჭდები" (პოეზია, 2013), "ორმოში" (პროზა, 2014), "თანმდევი ფიქრი" (წერილები, 2014), "წვეთები მინაზე" (პოეზია, 2016), "ვეფხისტყაოსანი" − მსოფლიო ლიტერატურის შედევრი" (სამეცნიერო ნაშრომები − ავტორთა ჯგუფთან ერთად, ინგლისურ ენაზე, 2016). მის ლექსებზე შექმნილია სიმღერები, ლექსებსა და ესეისტურ წერილებზე ორი მონოსპექტაკლი. ესეისტი.

წყარო: ქართველი პოეტები : ენციკლოპედია / შეადგინა ალექსანდრე ელერდაშვილმა.- თბ.,2021.-გვ.344-345

• საქართველოს მწერალთა კავშირი , თავმჯდომარის მოადგილე
• საქართველოს რუსთაველის საზოგადოება , პრეზიდენტი

• 2012 - ქრისტიანული პოეზიის ფესტივალი "წმინდა ნინოს ჯვარი", მედალიონი
• ივანე მაჩაბლის სახელობის პრემია
• ნიკო ლორთქიფანიძის სახელობის პრემია
• გალაკტიონ ტაბიძის სახელობის პრემია
• დავით აღმაშენებლის სახელობის პრემია

• ყოველ ქართველში შენი გენია : პოეზია (შემდგენელი). - თბილისი, მერანი, 2012. - 186გვ.
• რატომ ტირიან ჩიტები ზამთარში (ავტორი). - თბილისი, ეროვნული მწერლობა, 2009
• სიტყვებს მიღმა : ერთტომეული (ავტორი). - თბილისი, ეროვნული მწერლობა, 2006. - 311გვ.
• ჩემ სამშობლოში-მე ემიგრანტი : პოემა (ავტორი). - თბილისი, 2000. - 32გვ.
• ტაძართან : ლექსები (ავტორი). - თბილისი, კიდევაც დაიზრდებიან, 1990. - 320გვ.
• ჩემი წილი ცა : ლექსები, პოემა (ავტორი). - თბილისი, საბჭ. საქართველო, 1986. - 61გვ.
• დუმილის ხმა : ლექსები (ავტორი). - ბათუმი, საბჭ. აჭარა, 1985. - 58გვ.