ვლადიმერ ასათიანი

დაბადების ადგილი: უზბეკეთი,  ქ. ფერღანა.

დაამთავრა პერუჯის (იტალია) სამეფო უმაღლესი ექსპერიმენტული აგროქიმიის ინსტიტუტი 1923 წელს.

1923-1926წწ. მუშაობდა პარიზის, სტრასბურგის, შარლოტენბურგის უნივერსიტეტებში. 1926 წლიდან თბილისის სახელმწიფო უნივერსიტეტის სამედიცინო ფაკულტეტის ორგანული და ფიზიოლოგიური ქიმიის კათედრაზეა. 1948 წლიდან თბილისის სამედიცინო ინსტიტუტის ორგანული და სასამართლო ქიმიის კათედრის გამგეა, 1931-1933წწ. ანასეულის ჩაის მეურნეობის სრულიად საკავშირო სასოფლო-სამეურნეო ინსტიტუტის დაარსების ერთ-ერთი ორგანიზატორი და დირექტორის მოადგილე, 1933-1939წწ. ტუბერკულოზის სამეცნიერო-კვლევითი ინსტიტუტის დირექტორი, 1964 წლიდან საქართველოს მეცნიერებათა აკადემიის ფარმაკოქიმიურის ინსტიტუტის დირექტორი. მთის კლიმატის ბიოქიმიის, ბიოლოგიურად აქტიურ ბუნებრივ ნივთიერებათა ქიმიისა და ბიოქიმიის ფარმაკოლოგიური ფუძემდებელია საქართველოში; ბიოქიმიკოსი.

წყარო: ქართული საბჭოთა ენციკლოპედია : ტ.1.-თბ., 1975.-გვ.621

• დიდი სამედიცინო ენციკლოპედია, მთავარი სარედაქციო კოლეგიის წევრი
• საქართველოს მეცნიერებათა აკადემია, აკადემიკოსი (1960-)
• საქართველოს მეცნიერებათა აკადემიის ბიოქიმიის საზოგადოება, დამაარსებელი და თავმჯდომარე
• ქართული საბჭოთა ენციკლოპედია, მთავარი სარედაქციო კოლეგიის წევრი

• 1971 - პეტრე მელიქიშვილის სახელობის პრემია
• 1970 - სსრკ სახელმწიფო პრემია
• 1955 - საქართველოს მეცნიერებათა დამსახურებული მოღვაწე
• ლენინის ორდენი

• ქიმია და მედიცინა (ავტორი). - თბილისი, საბჭ. საქართველო, 1965. - 35გვ.
• ბიოლოგიური კატალიზატორები (ავტორი). - თბილისი, საქ. სსრ მეცნ. აკად. გამ-ბა , 1961. - 111გვ.
• თანამედროვე ბიოქიმია (ავტორი). - თბილისი, საქ. სსრ პოლიტ. და მეცნ. ცოდნის გამავრც. საზ-ბა, 1961. - 37გვ.