ალექსანდრე ბარამიძე

დაბადების ადგილი: ახლანდელი ლანჩხუთის მუნიციპალიტეტი, სოფელი ჯუნჯუათი. 

დაამთავრა თბილისის სახელმწიფო უნივერსიტეტის სიბრძნისმეტყველების ფაკულტეტის სიტყვიერების განყოფილება 1925 წელს.

1962-1970წწ. იყო თბილისის სახელმწიფო უნივერსიტეტის ძველი ქართული ლიტერატურის ისტორიის კათედრის გამგე, 1966 წლიდან - საქართველოს მეცნიერებათა აკადემიის შოთა რუსთაველის სახელობის ქართული ლიტერატურის ისტორიის ინსტიტუტის დირექტორი. მეცნიერული მოღვაწეობა დაიწყო 1925 წლიდან. მისი კვლევის ობიექტი იყო უპირატესად XI-XVIII საუკუნეების ქართული საერო მწერლობა. მნიშვნელოვანი გამოკვლევები მიუძღვნა შოთა რუსთაველს, ჩახრუხაძეს, შავთელს, თეიმურაზ I-ს, სულხან-საბა ორბელიანს, დავით გურამიშვილს, ბესიკსა და სხვებს. ერთ-ერთმა პირველმა გაარკვია "ამირანდარეჯანიანის" ორიგინალურობის საკითხი, "რუსუდანიანის" ლიტერატურული წყაროები. იკვლევდა ქართულ-სპარსულ ლიტერატურულ ურთიერთობებს. წვლილი მიუძღვის "ვისრამიანის" ქართული თარგმანისა და "შაშ–ნამეს" ქართული ვერსიების თავისებურებათა გარკვევაში. დაწერილი აქვს ფუნდამენტური ნაშრომი "ქილილა და დამანას" ქართული ვერსიების შესახებ. მონოგრაფიული სისრულით გამოირჩევა მისი ნაშრომი "შოთა რუსთაველი და მისი პოემა" (1966). აკადემიკოს კ. კეკელიძესთან ერთად ავტორია ძველი ქართული მწერლობის ისტორიის სრული კურსისა.

წყარო: საქართველო : ენციკლოპედია: ტ. 1.-თბ., 1997.-გვ. 356

• საქართველოს მეცნიერებათა აკადემია, აკადემიკოსი (1960-)

• 1966 - მეცნიერების დამსახურებული მოღვაწე
• ილია ჭავჭავაძის სახელობის პრემია
• კორნელი კეკელიძის სახელობის პრემია
• საპატიო ნიშნის ორდენი
• ლენინის ორდენი
• ივანე ჯავახიშვილის სახელობის პრემია

• ძველი ქართული ლიტერატურის ისტორია (V-XVIII სს.) : სახელმძღვ. უმაღლ. სკოლებისათვის (თანაავტორი). - თბილისი, თბილ. უნ-ტის გამ-ბა, 1987. - 496 გვ.
• ძველი ქართული მწერლობის პრობლემები (ავტორი). - თბილისი, საბჭ. საქართველო, 1980. - 455გვ.
• შოთა რუსთველი და მისი პოემა (ავტორი). - თბილისი, მეცნიერება, 1966. - 528გვ.
• დავით გურამიშვილი : ბიოგრაფიულ-კრიტიკული ეტიუდი (ავტორი). - ტფილისი, ქართული წიგნი, 1931. - 80გვ.
• რუსუდანიანის ლიტერატურული წყაროები (ავტორი). - ტფილისი, ტფ. უნ-ტის გა-მა, 1927. - 326გვ.