ზურაბ ქარუმიძე

დაბადების ადგილი: ქ. თბილისი.
დაამთავრა თბილისის სახელმწიფო უნივერსიტეტის დასავლეთ ევროპის ენებისა და ლიტერატურის ფაკულტეტი ინგლისური ლიტერატურის სპეციალობით.

1983-2000წწ. იყო თბილისის სახელმწიფო უნივერსიტეტის XX საუკუნის დასავლური ლიტერატურის ლაბორატორიის მეცნიერ-თანამშრომელი, კითხულობდა ლექციებს ევროპული ლიტერატურის და პოსტმოდერნიზმის შესახებ; 1994-1995წწ. მუშაობდა უისკონსინის უნივერსიტეტში (აშშ); გამოქვეყნებული აქვს ნარკვევები ფილოსოფიურ, ლიტერატურათმცოდნეობით და კულტუროლოგიურ საკითხებზე; იყო ალმანახ "ახალი დროების" და ჟურნალ "Georgia/Caucasus Profile"-ის თანარედაქტორი; ინგლისურენოვანი ანალიტიკური ჟურნალის "Caucasus Context"-ის თანარედაქტორი; 2005-2011წწ. თანამშრომლობდა ჰუმანიტარულ მეცნიერებათა ცენტრთან (ვაშინგტონის უნივერსიტეტი სენტ-ლუისში, აშშ); 2006-2008წწ. იყო წამყვანი გადაცემისა "ღამის საუბრები"; 2006-2010წწ. თანამშრომლობდა რადიოსთან "სინდიკატი 104.3"; 2010-2012წწ. მუშაობდა მდგრადი განვითარების საერთაშორისო ფონდში; პირველი მოთხრობა 1990 წელს გამოაქვეყნა გაზეთში "ლიტერატურა და სხვა"; 1995 წელს ლიტერატურულ ალმანახში "ახალი დროება" დაიბეჭდა მისი პროზაული პოემა "გიჟი მექუდე"; 1996 წელს მისი ორი მოთხრობა დაიბეჭდა ჟურნალში "Clockwatch Review“ (Bllomington, Il., USA); 1998 წელს გამოვიდა მოთხრობათა კრებული "Opera"; 2000 წელს რომანი "ღვინომუქი ზღვა"; 2003 წელს – რომანი "თხა და გიგო"; 2005 წელს ნიუ-იორკში, მისი თანარედაქტორობით გამოიცა წიგნი "Enough: Rose Revolution in the Republic of Georgia, 2003"; 2009 წელს დაიბეჭდა მისი წიგნი "ჯაზის ცხოვრება".  ავტორია  ინგლისურენოვანი რომანისა "Dagny or a Love Feast" ("დანგი ანუ სიყვარულის აღაპი"), რომელიც წარდგენილი იყო დუბლინის საერთაშორისო ლიტერატურულ პრემიაზე 2012 წელს, 2014 წელს გამოვიდა აშშ-ში; 2015 წელს – თურქეთში, 2017 წელს – გერმანიაში და დასახელდა გერმანიაში გამოსულ წიგნთა საუკეთესო ათეულში. 2011 წელს გამოიცა მისი რომანი "მელია-ტულეფია: Fox-Trot"; 2013 წელს – ვრცელი მოთხრობა "ბაშიაჩუკი ანუ მობიდიკი"; 2014 წელს – რომანი "ჯაზის ყვავილობა", 2017 წელს კი შოუ ბაბუხადიას ფსევდონიმით გამოვიდა მისი რომანი "ბაყაყები".

სადისერტაციო თემა -  "მახვილგონიერების ფენომენი ჯონ დონის პოეზიაში", დაიცვა 1984 წელს.

წყარო: გამომცემლობა ინტელექტი: intelekti.ge

• ფონდი "ღია საზოგადოება-საქართველოს" დარგობრივი და აღმასრულებელი საბჭო, წევრი (2005-2012)

• 2018 - ლიტერატურული პრემია "ლიტერა"
  Untergang: მოგზაურობა ევროპაში : რომანი / ზურაბ ქარუმიძე. - თბილისი : ინტელექტი, 2018. - 160გვ.
• 2010 - ლიტერატურული პრემია "საბა", საუკეთესო კრიტიკა, ესეისტიკა და დოკუმენტური პროზა
  ჯაზის ცხოვრება : ჯაზის ისტორია / ზურაბ ქარუმიძე. - თბილისი : სიესტა : ქეთევან კიღურაძე, 2009. - 496გვ.

• ჯაზის ცხოვრება : ჯაზის ისტორია (ავტორი). - თბილისი, ინტელექტი, 2018. - 484გვ.. - ISBN: 9789941482366
• Untergang : მოგზაურობა ევროპაშირომანი (ავტორი). - თბილისი, ინტელექტი, 2018. - 160გვ.. - ISBN: 9789941482489
• Dagny or a love feast (ავტორი). - Tbilisi, Siesta, 2011. - 236p.. - ISBN: 978-9941-414-73-2
• მელია-ტულეფია: Fox-Trot : რომანი (ავტორი). - თბილისი, სიესტა : ქეთევან კიღურაძე, 2011. - 234გვ.. - ISBN: 978-9941-414-71-8
• თხა და გიგო : დიდი სონატა : თხზულება N 9/11, WTC 20-01 (ავტორი). - თბილისი, 2003. - 156გვ.
• ღვინომუქი ზღვა (ავტორი). - თბილისი, აზრი, 2000. - 311გვ.. - ISBN: 99928-70-30-3
• Opera : მოთხრობები (ავტორი). - თბილისი, ბაკურ სულაკაურის გამ-ბა, 1998. - 112გვ.. - ISBN: 99928-52-12-7