ივანე ბერიტაშვილი

დაბადების ადგილი: სოფელი ვეჯინი, გურჯაანის მუნიციპალიტეტი.

დაამთავრა პეტერბურგის უნივერსიტეტი 1910 წელს. უნივერსიტეტის დამთავრების შემდეგ იგი დატოვეს კათედრაზე და მიავლინეს ქ. ყაზანში სიმიანი გალვანომეტრით ბიოდენების აღრიცხვის მეთოდიკის ასათვისებლად, ხოლო 1914 წელს ქალაქ უტრეხტში (ჰოლანდია) თბილსისხლიან ცხოველებზე მუშაობის მეთოდების შესასწავლად. 1915 წელს გადადის ოდესის უნივერსიტეტში, სადაც პრივატ-დოცენტის წოდებით იწყებს კუნთოვანი და ნერვული სისტემის ფიზიოლოგიის სპეციალური კურსის კითხვას. 1919 წელს მიიწვიეს თბილისის ახლად დაარსებულ უნივერსიტეტში და აირჩიეს პროფესორად ფიზიოლოგიაში. 1960 წლამდე იგი განაგებდა თბილისის უნივერსიტეტის ფიზიოლოგიის კათედრას, მაგრამ სიცოცხლის დასასრულამდე აგრძელებდა მისი კოლექტივის მეცნიერულ ხელმძღვანელობას. 1934-1951წწ. იყო საქართველოს მეცნიერებათა აკადემიის ფიზიოლოგიის ინსტიტუტის დირექტორი, მაგრამ ინსტიტუტის სამეცნიერო-კვლევით მუშაობას სიცოცხლის ბოლომდე ხელმძღვანელობდა. იყო ფიზიოლოგიური სკოლის ფუძემდებელი საქართველოში. ავტორია მრავალი ფუნდამენტური ნაშრომისა: კუნთოვანი და ნერვული სისტემის ფიზიოლოგიის, უმაღლეს ხერხემლიან ცხოველთა ქცევის მექანიზმებისა და მათი სივრცითი ორიენტაციის შესახებ, ხერხემლიან ცხოველთა მეხსიერების მახასიათებლების და წარმოშობის შესახებ.

წყარო.: ქართული საბჭოთა ენციკლოპედია : ტ. 2.-თბ.,1977.-გვ.321

• სსრკ მედიცინის მეცნიერებათა აკადემია, აკადემიკოსი (1944-)
• ამერიკის ბიოლოგია-ფსიქიატრიის საზოგადოება, საპატიო წევრი (1969-)
• ამერიკის ელექტროენცეფალოგრაფიული საზოგადოება, წევრი (1979-)
• ივანე პავლოვის სახელობის ფიზიოლოგთა სრულიად საკავშირო საზოგადოება, წევრი (1970-)
• ნიუ-იორკის მეცნიერებათა აკადემია, წევრი (1959-)
• საქართველოს მეცნიერებათა აკადემია, აკადემიკოსი (1941-)
• ტვინის გამოკვლევის საერთაშორისო ორგანიზაცია, წევრი (1960-)
• უმაღლესი ნერვული მოქმედების საერთაშორისო კოლეგია, წევრი (1969-)
• ქართული საბჭოთა ენციკლოპედიის მთავარი სარედაქციო კოლეგია, წევრი

• 1964 - სოციალისტური შრომის გმირი
• 1941 - სსრკ სახელმწიფო პრემია
• 1935 - საქართველოს მეცნიერებათა დამსახურებული მოღვაწე
• ლენინის ორდენი

• კუნთოვანი და ნერვული სისტემის ზოგადი ფიზიოლოგია : სახელმძღვ. სტუდენტებისათვის (ავტორი). - თბილისი, თბილ. უნ-ტის გამ-ბა, 1974. - 460გვ.
• ადამიანისა და ცხოველთა ფიზიოლოგიის პრაქტიკუმი : სახელმძღვ. უნ-ტის ბიოლ. ფაკ-ტისა და სამედ. ინ-ტის სტუდენტებისათვის (ავტორი). - თბილისი, განათლება, 1966. - 433გვ.
• მოძღვრება ადამიანის ბუნების შესახებ საქართველოში. ძველი დროიდან მეთოთხმეტე საუკუნემდე (ავტორი). - თბილისი, თბილ. უნ-ტის გამ-ბა, 1957. - 244გვ.
• ნერვული და ფსიქონერვული მოქმედების ძირითადი ფორმები (ავტორი). - თბილისი, საქმედგამის გამ-ბა , 1947. - 124გვ.
• ნერვული და ფსიქონერვული მოქმედების ძირითადი ფორმები (ავტორი). - თბილისი, საქმედგამის გამ-ბა , 1947. - 124გვ.