მიხეილ ბოკუჩავა

დაბადების ადგილი:  სოფელი საბოკუჩავო, აბაშის რაიონი.

დაამთავრა თბილისის სასოფლო-სამეურნეო ინსტიტუტი 1932 წელს.

1953 წლიდან სსრკ მეცნიერებათა აკადემიის ა. ბახის სახელობის ბიოქიმიური ინსტიტუტის ტექნიკური ბიოქიმიური ლაბორატორიის გამგე. პარალელურად რამდენიმე წელი იმუშავა ინსტიტუტის დირექტორის მოადგილედ სამეცნიერო დარგში. შეიმუშავა ლაო ჩაის, შავი ჩაისა და ხსნადი წარმოების ახალი ტექნიკური მეთოდი; შექმნა საკვებ მცენარეთა საღებავების მიღების ორიგინალური ხერხი, რომელიც დაპატენტებულია უცხოეთის ქვეყნებში. მ. ბოკუჩავამ შექმნა ბიოქიმიკოსთა დიდი სამეცნიერო სკოლა. ღრმა და ფუნდამენტურმა გამოკვლევებმა ფართო აღიარება მოუტანა ქართველ მეცნიერს არა მარტო ჩვენს ქვეყანაში, არამედ საზღვარგარეთაც. იგი იყო 340-ზე მეტი სამეცნიერო ნაშრომისა და 35 გამოგონების ავტორი. ნაშრომები: "ჩაის ფოთლის ფერმენტაციის გამოკვლევა",  "ლაო ჩაისა და მწვანე აგურა ჩაის წარმოების ბიოქიმიური საფუძველი", "ჩაისა და ჩაის წარმოების ბიოქიმია".  ბიოქიმიკოსი, ბიოლოგიის მეცნიერებათა დოქტორი (1950), პროფესორი (1955). მიღებული აქვს საკავშირო ალკკ ცკ-ის პრემია ( ჩაის ფოთლის ფერმენტაციის გამოკვლევა, 1938), სსრკ მეცნიერებათა აკადემიის პრეზიდიუმის პრემია (ლაო ჩაისა და მწვანე აგურა ჩაის წარმოების ბიოქიმიური საფუძველი, 1955), ა. ბახის სახელობის პრემია (ჩაისა და ჩაის წარმოების ბიოქიმია, 1958).

წყარო: საქართველო: ენციკლოპედია: ტ.I.–თბ., 1997.–გვ.455

• საქართველოს მეცნიერებათა აკადემია, აკადემიკოსი (1979-)

• საპატიო ნიშნის ორდენი

• ქართული ჩაის სელექციური ჯიშების ო-დიფენოქსიდაზიჩს სუბსტრატული სპეციფიკურობა (თანაავტორი) // სუბტროპიკული კულტურები, N1. - თბილისი, 1972
• სხვადასხვა სახის ბაიხის ჩაის კატექინების გამოკვლევა მათი P-ვიტამინურ აქტივობასთან დაკავშირებით (თანაავტორი) // ჩაის მრეწველობის სრულიად საკავშირო სამეცნიერო-კვლევითი ინსტიტუტის ბიულეტენიб №1-2. - თბილისი, 1971. - გვ.84-89
• ჩაის წარმოების ბიოქიმია და ტექნოლოგია (ავტორი). - თბილისი, საქ. სას.-სამ. ინ-ტის გამ-ბა , 1962. - 387გვ.
• ჩაის მცენარის ორგანული მჟავეები (თანაავტორი) // ჩაის მრეწველობის სამეცნიერო-კვლევითი ინსტიტუტის შრომები, N3 . - თბილისი, 1959. - გვ.21-26
• Биохимические основы производства Лао-Ча и зеленого кирпичного чая (ავტორი). - Москва, АН СССР, 1955. - 166с.