მაკა ჯოხაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1971 წელს; ზაქარია ფალიაშვილის სახელობის მეორე მუსიკალური სასწავლებელი, საფორტეპიანო განხრით.

პირველი მოთხრობა გამოაქვეყნა 1969 წელს, პირველი პროზაული კრებული "გურამ-გურამ" - 1976 წელს და მას შემდეგ იბეჭდება საქართველოში, რუსეთსა და საზღვარგარეთის ქვეყნებში. მას ეკუთვნის მოთხრობების წიგნები "გადარჩენილი პეიზაჟი" (1984), "შეხვედრა" (1985), პიესები: "ორი ცხოვრება" (1986), "პერსონალური გამოფენა", "სასოწარკვეთილთა თეატრი" და სხვ. 1986 წელს, ქართული კულტურის დღეებთან დაკავშირებით, იმყოფებოდა ინდოეთში, რაბირდრანთ თაგორის  საიუბილეო თარიღთან დაკავშირებით. იქ გამოვიდა მოხსენებით, რომელიც ითარგმნა და დაიბეჭდა ბენგალურ ენაზე. 1989 წელს მიწვეული იყო პარიზში, ჟორჟ პომპიდუს სახელობის ცენტრის მიერ მოწყობილ მსოფლიოს მწერალ ქალთა საერთაშორისო კონფერენციაზე. არის სცენარის ავტორი დოკუმენტური ფილმისა - "ჩემი სული ღმერთს ეკუთვნის" (1991). 2000 წლიდან გაზეთ (შემდგომში ჟურნალ) "ჩვენი მწერლობის" ჯერ პროზისა, შემდეგ კი პოეზიის განყოფილებების რედაქტორია. ფილოლოგიურ მეცნიერებათა კანდიდატი, ესეისტი.

წყარო: ქართული საბჭოთა ენციკლოპედია: ტ. 11.-თბ., 1987.-გვ.577; ეროვნული ფილმოგრაფიის პორტალი : geocinema.ge; გამომცემლობა ინტელექტის ვებსაიტი : intelekti.ge; პრემია "საგურამოს" ლაურეატები: 2003-2017 წლები/რედაქტორ-შემდგენლები: ანდრო ბედუკაძე, ლანა უნდილაშვილი.-საგურამო, 2017.-გვ.122; ნახევარი საუკუნე თეთრ ტაძარში : შტრიხები ჟურნალისტიკის ფაკ. მატიანისათვის / იზოლდა ხაინდრავა.-თბ.,2005.-გვ.186; თბილისის სახელმწიფო უნივერსიტეტი: encyclopedia.tsu.ge

• 2024 - ლიტერატურული პრემია "მუზა"
• 2024 - ლიტერატურული პრემია "ანა"
• 2023 - გიორგი ლეონიძის პრემია
• 2022 - ლიტერატურული პრემია "მუზა"
• 2021 - რეზო ინანიშვილის პრემია
• 2018 - ილია ჭავჭავაძის პრემია და მედალი
• 2010 - პრემია "საგურამო"
  სამოთხე უსიყვარულოდ : კრიტიკული წერილები, ესეები და ლიტერატურული პორტრეტები / მაკა ჯოხაძე
• 1987 - საქართველოს მწერალთა კავშირის პრემია
  პუბლიცისტური წერილებისათვის
• 1985 - საქართველოს კომკავშირის პრემია

• მკვდარ გუბეში ნასროლი კენჭები : რომანი (ავტორი). - თბილისი, პალიტრა L, 2013. - 104გვ.. - ISBN: 978-9941-21-260-4
• ჩაძირული დღესასწაული (ავტორი). - თბილისი, ინტელექტი, 2013. - 360გვ.. - ISBN: 978-9941-446-29-0
• მარადიული ბალაგანი (ავტორი). - თბილისი, მერანი, 1997. - 184გვ.
• ჩემი დავით კლდიაშვილი (ავტორი). - თბილისი, გულანი, 1995. - 168გვ.
• მზერის გადანაცვლება (ავტორი). - თბილისი, მერანი, 1988. - 271გვ.
• გურამ-გურამ (ავტორი). - თბილისი, მერანი, 1976. - 137გვ.