პაატა გუგუშვილი

დაბადების ადგილი: სოფელი კოდორი, აბაშის მუნიციპალიტეტი. 

დაამთავრა თბილისის სახელმწიფო უნივერსიტეტის სოციალურ-ეკონომიკური ფაკულტეტი ეკონომისტ-ფინანსისტის სპეციალობით 1927 წელს.

1930 წლიდან გარდაცვალებამდე თბილისის სახელმწიფო უნივერსიტეტში კითხულობდა ლექციებს სახალხო მეურნეობის ისტორიის, პოლიტიკური ეკონომიისა და სოციოლოგიის ლექციათა კურსებს. ავტორია მრავალი ათეული ნაშრომისა, რომლებიც ეძღვნება პოლიტიკური ეკონომიის, საზოგადოებრივი და პოლიტიკური აზრის ისტორიის, სახალხო მეურნეობის განვითარების, დაგეგმვის, სოციოლოგიის, დემოგრაფიის, ბიბლიოლოგიის, ამიერკავკასიისა და საქართველოს სოციალურ-ეკონომიკური განვითარების და სხვა საკითხებს. დიდი წვლილი შეიტანა ახალი ქართული ეკონომიკური ტერმინოლოგიის შემუშავებაში, ეკონომიკური წყაროების მეცნიერულ პუბლიკაციაში. იყო ქართული საბჭოთა ენციკლოპედიის მთავარი სარედაქციო კოლეგიის წევრი და მისი ეკონომიკური სექციის თავჯდომარე, აკადემიკოს ივანე ჯავახიშვილის რჩეული ნაწერების თხზულებათა 12 ტომეულის, აგრეთვე ხუთტომეულის "ხელოსნობისა და შინამრეწველობის ისტორია საქართველოში" სარედაქციო კოლეგიის წევრი, პროფესორ ფილიპე გოგიჩაიშვილის რჩეული ნაწერების ორტომეულის მთავარი რედაქტორი.

წყარო: თბილისის სახელმწიფო უნივერსიტეტი: tsu.ge

• საქართველოს მეცნიერებათა აკადემია, აკადემიკოსი (1974-)

• 1962 - საქართველოს მეცნიერებათა დამსახურებული მოღვაწე
• საპატიო ნიშნის ორდენი
• შრომის წითელი დროშის ორდენი

• ახალგაზრდობის სოციოლოგიის საკითხები (ავტორი). - თბილისი, განათლება, 1981. - 122გვ.
• საქართველოს სსრ მოსახლეობის აღწარმოების საკითხები (ავტორი). - თბილისი, მეცნიერება, 1973. - 221გვ.
• კარლ მარქსი ქართულ პუბლიცისტიკასა და საზოგადოებრიობაში 1898 წლამდე (ავტორი). - თბილისი, მეცნიერება, 1971. - 331გვ.
• მარცვლეულის მეურნეობა საქართველოსა და ამიერკავკასიაში, 1801-1920 წ.წ. (ავტორი). - თბილისი, საქ. სსრ მეცნ. აკად. გამ-ბა , 1954. - 216გვ.
• ეკონომიკური ტერმინოლოგიისა და მეცნიერული თარგმანისათვის (ავტორი). - თბილისი, საქ. სსრ მეცნ. აკად. გამ-ბა , 1952. - 104გვ.
• ეკონომიური ფორმაციებისათვის (ავტორი). - ტფილისი, ტექნიკა და შრომა, 1933. - 56გვ.