ავთანდილ გუნია

დაბადების ადგილი: ქ. თბილისი.

1928 წელს დაამთავრა ბაქოს სამხედრო სასწავლებელი, 1932 წელს - თბილისის რკინიგზის ტექნიკუმი და ამიერკავკასიის რკინიგზის სამმართველოს საძიებო პარტიის ტექნიკოსად დაიწყო მუშაობა. 1939 წელს დაამთავრა მოსკოვის პლეხანოვის სახელობის სახალხო მეურნეობის ინსტიტუტი და იმავე წელს დაინიშნა ქ. თბილისის საბჭოთა ვაჭრობის ტექნიკუმის დირექტორად. 1942 წელს დაამთავრა მოსკოვის უმაღლესი პარტიული სკოლა და დაინიშნა სკკპ ცკ-ს პროპაგანდისა და აგიტაციის სამმართველოს ინსტრუქტორად, შემდგომში ამავე სამმართველოს სექტორის გამგედ. 1953 წლიდან იგი მუშაობდა ჯერ საქართველოს კპ ცკ პროპაგანდისა და აგიტაციის განყოფილების გემგედ, ხოლო შემდეგ საქართველოს კულტურის მინისტრად ნიშნავენ. 1957 წლიდან მუშაობას იწყებს საქართველოს მეცნიერებათა აკადემიის ეკონომნიკის ინსტიტუტის პოლიტეკონომიის განყოფილების გამგედ, 1976 წლიდან იგი ამავე ინსტიტუტის დირექტორია. თავისი მეცნიერული მოღვაწეობის განმავლობაში შექმნა ეკონომიკური კვლევის ახალი მიმართულება, ეკონომიკური განვითარების ტემპებისა და პროპორციების პრობლემის დამუშავების სახით.

წყარო: საქართველო: ენციკლოპედია: ტ.I.–თბ., 1997. გვ 204-205: georgianencyclopedia.ge; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.58

• საქართველოს მეცნიერებათა აკადემია, აკადემიკოსი (1979-)

• 1997 - ღირსების ორდენი
• 1982 - ხალხთა მეგობრობის ორდენი
• 1980 - საქართველოს მეცნიერებათა დამსახურებული მოღვაწე

• ეკონომიკა - სოციალიზმის სრულყოფის მოთხოვნათა თანამედროვე დონეზე (ავტორი). - თბილისი, საქართველოს სსრ საზოგადოება "ცოდნა", 1985. - 32გვ.
• მეცნიერულ-ტექნიკური პროგრესის ეკონომიკური პრობლემები საქართველოში (ავტორი). - თბილისი, მეცნიერება, 1983. - 409გვ.
• საქართველოს სსრ ინდუსტრია (ავტორი). - თბილისი, მეცნიერება, 1972. - 125გვ.
• კომუნიზმის მშენებლობა და მეურნეობრივი მართვის დემოკრატიული საფუძვლების განვითარება (ავტორი). - თბილისი, საბჭ. საქართველო, 1963. - 133გვ.