ლეო დავითაშვილი

დაბადების ადგილი: ქ. თბილისი.

დაამთავრა მოსკოვის უნივერსიტეტის გეოლოგია-გეოგრაფიის ფაკულტეტი 1925 წელს.

მუშაობა დაიწყო მოსკოვის ნავთობის სახელმწიფო კვლევით ინსტიტუტში. ამავე დროს ეწეოდა პედაგოგიურ მოღვაწეობას მოსკოვის ნავთობის ინსტიტუტში, სადაც 1930-1948წწ-ში პალეონთოლოგიის კათედრას ხელმძღვანელობდა; 1941 წელს იგი თბილისში გადმოსახლდა. აქ ის მუშაობდა საქართველოს ინდუსტრიული ინსტიტუტის გეოლოგიისა და პალეონთოლოგიის კათდრის გამგედ და საქართველოს მეცნიერებათა აკადემიის გეოლოგიისა და მინერალოგიის ინსტიტუტის განყოფილების ხელმძღვანელად; 1950 წელს სათავეში ჩუდგა საქართველოს მეცნიერებათა აკადემიის პრეზიდიუმთან მის მიერვე შექმნილ პალეობიოლოგიის სექტორს, რომელიც 1958 წელს პალეოგიოლოგიის ინსტიტუტად გადაკეთდა. ამ ინსტიტუტს, რომელიც ამჟამად მის სახელს ატარებს, იგი სიცოცხლის ბოლომდე ხელმძღვანელობდა. იგი იყო პალეონტოლოგიის თეორიული საფუძვლების აღიარებული მკვლევარი. მან, როგორც პალეონტოლოგმა, დიდი წვლილი შეიტანა ევოულციური თეორიის უმთავრესი პრობლემების პალეონტოლოგიურ მასალაზე დაყრდნობით შესწავლაში.

წყარო: გამოჩენილი ინჟინრები და მეცნიერები: კრებული/შემდგ.: მიტროპოლიტი ანანია ჯაფარიძე [და სხვ.]. -თბ., 2012. -გვ.53-54

• მოსკოვის სახელმწიფო უნივერსიტეტის პალეონტოლოგიური ლაბორატორია, ნამდვილი წევრი (1936-1938)
• საქართველოს მეცნიერებათა აკადემია, აკადემიკოსი (1944-)

• 1975 - ხალხთა მეგობრობის ორდენი
• 1965 - შრომის წითელი დროშის ორდენი
• 1949 - სსრკ სახელმწიფო პრემია

• პალეონტოლოგიის მოკლე კურსი : დამხმ. სახელმძღვ. გეოლოგ. უმაღლ. სასწავლებლებისა და ფაკ-ტების სტუდენტებისათვის. - თბილისი, განათლება, 1985. - 315გვ.
• Вопросы методологии в изучении эволюции органического мира (ავტორი). - Тбилиси, Мецниереба, 1968. - 216 с.
• Теория полового отбора (ავტორი). - Москва, изд-во АН СССР, 1961. - 534с.
• ჩარლზ დარვინის მოძღვრება და ორგანიზმების ისტორიული განვითარების კანონზომიერებანი (ავტორი). - თბილისი, საქ. სსრ მეცნ. აკად. გამ-ბა , 1959. - 44გვ.
• პალეონტოლოგია (ავტორი). - თბილისი, თბილისის სახელმწიფო უნ-ტის გამომც., 1938. - 490გვ.