თენგიზ ბუაჩიძე

დაბადების ადგილი: ქ. საჩხერე.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1950 წელს.

1960-1965 წლებში საქართველოს კულტურის მინისტრი იყო, 1976 წლიდან - ი. ჭავჭავაძის სახელობის თბილისის უცხო ენათა სახელმწიფო პედაგოგიური ინსტიტუტის რექტორი. თ. ბუაჩიძის გამოკვლევები, მოთხრობები და თარგმანები იბეჭდება 1946 წლიდან. მას ეკუთვნის გამოკვლევები ქართული, რუსული, უკრაინული, ბელორუსული ლიტერატურის, ხალხთა ლიტერატურული ურთიერთობების, ლიტერატურისა და თარგმანის თეორიის სფეროდან, პუბლიკაციები და კრიტიკული წერილები, ნაშრომები ქართველი რომანტიკოსების, ი. ჭავჭვაძის, გ. ტაბიძის და სხვების შესახებ. მოთხრობათა კრებულში "მოლოდინი" (1966) გვიხატავს ადამიანების მორალურ სახეს მეორე მსოფლიო ომის დროს. თარგმნა "ამბავი იგორის ლაშქრობისა" (1970), "გარდასულ წელთა ამბავი" (1973) და ძველი რუსული ლიტერატურის სხვა ძეგლები. ფილოლოგიის მეცნიერებათა დოქტორი (1970), პროფესორი (1972).

წყარო: მამულიშვილთა სავანე / ზ. ბაბუნაშვილი, თ. ნოზაძე.-თბ.,1994.-გვ. 89; საქართველოს პარლამენტის ვებგვერდი: web.archive.org; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.100

• საქართველოს მე-3 მოწვევის პარლამენტი, წევრი (1992-1995)
• საქართველოს მწერალთა კავშირი, პირველი მდივანი (1973-1976)

• გზა ბავშვობისაკენ : რომანი (ავტორი). - თბილისი, ნაკადული, 1986. - 295გვ.
• წარსული და თანამედროვეობა : ლიტერატურულ-კრიტიკული წერილები (ავტორი). - თბილისი, მერანი, 1976. - 327გვ.
• მიხეილ შოლოხოვი : ნარკვევი (ავტორი). - თბილისი, მერანი, 1975. - 102გვ.
• გოგოლი, დოსტოევსკი, ტოლსტოი : ნარკვევი (ავტორი). - თბილისი, მერანი, 1973. - 180გვ.
• სხვადასხვა დროის მოთხრობები ერთსა და იმავე თემაზე (ავტორი). - თბილისი, 199. - 184გვ.