ნინო ჭინჭარაული

 დაბადების ადგილი: ქ. თბილისი.

სხვადასხვა წლებში სწავლობდა ჟურნალისტიკის, უცხო ენებისა და ხელოვნებათმცოდნეობის ფაკულტეტებზე (ხარისხის მართვის უნივერსიტეტში, თბილისის უნივერსიტეტსა და სასულიერო სემიანარია-აკადემიასთან არსებულ საღვთისმეტყველო ინსტიტუტში). 17 წლის ასაკიდან ეწეოდა ჟურნალისტურ საქმიანობას სხვადასხვა ჟურნალ-გაზეთებში. 2006-2011წწ. მუშაობდა საპატრიარქოს ახალგაზრდულ ცენტრში(საორგანიზაციო, კულტურის და ბავშვთა სახლებთან ურთიერთობის ჯგუფებში) და ამავე ცენტრის ჟურნალ -"ახალგაზრდობა"-ში. ორგანიზებას უწევდა და მიჰყავდა სხვადასხვა ავტორთა პოეზიის საღამოები, საქველმოქმედო ჯგუფის საღამოები და სხვა კულტურული ღონისძიებები(საბავშვო წიგნის ფესტივალი, ინტელექტუალური თამაში "ჩვენ ვსწავლობთ ბიბლიას" და აშ). ლექსების წერა ადრეული ბავშვობის ასაკიდან დაიწყო. პირველად მისი ლექსები გამოქვეყნდა "ფშავის აღორძინების კავშირის" გაზეთში. ასევე მისი პირველი მოთხრობა "აწმყო წარსულიდან" 2011 წელს  დაიბეჭდა "ლიტერატურულ გაზეთში". დღეისთვის მისი ლექსები ქვეყნდება ჟურნალ "ცისკარში". არის რამდენიმე ლიტერატურული კონკურსის ლაურეატი და პრიზიორი. ეწევა მთარგმნელობით საქმიანობას. მონაწილეობას ღებულობს პოეზიის საღამოებში, ტელე და რადიო გადაცემებში. მუშაობს ხატწერაზე და ხევსურული სამოსის აღდგენა-შენარჩუნებაზე.

• საინიციატივო ჯგუფი "სანე", თავმჯდომარე (2013-)

• 2012 - გურამ რჩეულიშვილის სახეობის კონკურსი -"ალავერდობა", წამახალისებელი პრემია "საუკუნის მაჯისცემა"
  ყვითელი , ოქროსფერი, მზისფერი: რომანი / ნინო ჭინჭარაული .- თბილისი : გრიფონი, 2013.- 72გვ.

• აქ იყო ესპანეთი, სახელად კასტილია (მთარგმნელი). - თბილისი, არტანუჯი, 2014. - 96გვ.
• ყვითელი, ოქროსფერი, მზისფერი : რომანი (ავტორი). - თბილისი, გრიფონი, 2013. - 72გვ.
• თქვენს კალთებს ქვეშ, უწმინდესო : პოეზია, პროზა (თანაავტორი). - თბილისი, ეროვნული მწერლობის" გამ-ბა და სტ., 2010. - 80გვ.. - ISBN: 978-9941-0-2998-1